கேஃஎப்சி பாணியில் சிக்கன்; இனி வீட்டிலேயே சுவையாக செய்யலாம் வாங்க!

கேஃஎப்சி சிக்கனை நாம் கடைகளில் சாப்பிட்டு இருப்போம். அதற்காக, மணி கணக்கில் காத்திருப்போம். ஆனால், அதை வீட்டிலேயே சுலபமாக செய்யலாம் வாருங்கள். 

தேவையானப் பொருட்கள்: 

1. சிக்கன்- 1 கிலோ 
2. மைதா- 1 கிலோ 
3. மோர்- 1 கப் 
4. முட்டை- 2
5. மிளகாய்த்தூள்- 2 மேசைக்கரண்டி 
6. மிளகுத்தூள்- 3 தேக்கரண்டி 
7. பூண்டுத்தூள்- 3 தேக்கரண்டி 
8. சோயா சாஸ்- 1 மேசைக்கரண்டி 
9. உப்பு, எண்ணெய், தண்ணீர்- தேவையான அளவு 

செய்முறை: 

• ஒரு பாத்திரத்தில் காஷ்மீர் மிளகாய்த்தூள், மிளகுத்தூள், பூண்டுத்தூள், சோயா சாஸ், உப்பு சேர்த்து நன்றாக கலந்து கொள்ள வேண்டும். பிறகு அதில், ஒரு மேசைக்கரண்டி மோர் சேர்த்து கலந்து கொள்ள வேண்டும். 
• தோல் உடைய கோழி கால்களை வாங்குவது நல்ல சுவையைத் தரும். ஒரு மணி நேரம் உப்பு தண்ணீரில் ஊற வைக்க வேண்டும். பிறகு அந்த மசாலாவில் சிக்கனை எடுத்து முழுவதுமாக தடவி விட வேண்டும். பின்பு அதில், மோர் தண்ணீர் சேர்த்து 3 முதல் 4 மணி நேரம் வரை ஃபிரீசரில் வைக்க வேண்டும். 
• நான்கு மணி நேரம் கழித்து எடுத்து, குளிர்ச்சி போக 10 முதல் 15 நிமிடம் அப்படியே விட வேண்டும். இப்படி செய்வதால் மசாலா நன்றாக ஊறி வரும். 
• பின்பு ஒரு கிலோ மைதாவை ஒரு பாத்திரத்தில் எடுத்துக் கொள்ள வேண்டும். 
• மற்றொரு தனி பாத்திரத்தில், முட்டையின் வெள்ளையை மட்டும் எடுத்து அதனுடன் ஒரு கப் அளவிற்கு தண்ணீர் சேர்த்துக் கலந்துக் கொள்ள வேண்டும். 
• அதே போல் குளிர்ந்த நீர் ஒரு கப் அளவு தனியே எடுத்துக் கொள்ள வேண்டும். 
• ஊறவைத்து எடுத்த சிக்கனை ஒவ்வொன்றாக, முதலில் மைதா மாவில் பிரட்டி எடுத்து தனியே வைத்துக் கொள்ள வேண்டும். 
• பின்பு ஒரு துண்டை முட்டை நீரில் விட்டெடுத்து, பின் மீண்டும் மைதா மாவில் கையால் கலந்து பிடித்து எடுக்க வேண்டும். 
• பிறகு மீண்டும் குளிர்ந்த நீரில் நனைத்தெடுத்து, மைதா மாவில் பிரட்டி கையால் கொழுக்கட்டை பிடிப்பது போல் நன்கு அழுத்தி பிடித்து தனியே எடுத்துக் கொள்ள வேண்டும். 
• இதேபோல், ஒவ்வொரு துண்டுகளையும் செய்து எடுத்துக் கொள்ள வேண்டும். 
• பின் ஒரு கடாயில், ஒரு லிட்டர் அளவு எண்ணெய் ஊற்றி, 100 டிகிரி செல்சியஸ் சூடேற்றி, அதில் ஒன்று அல்லது இரண்டு துண்டுகளாக 4 முதல் 6 நிமிடங்கள் வரை பொறித்து எடுக்க வேண்டும். 
• சிக்கன் துண்டுகளை எண்ணெய்யில் விட்ட உடனே திருப்புவதை தவிர்க்க வேண்டும் 10 முதல் 15 நொடிகள் கழித்து திருப்பிவிட்டு வேக வைப்பது நல்லது. அதேபோல், அஜினோ மோட்டோ தேவைப்பட்டால் சேர்த்துக் கொள்ளலாம். 
• அவ்வளவு தான்! கேஃஎப்சி ஸ்டைலில் சுவையான சிக்கன் தயார். 

சிவபெருமானை வீட்டில் வழிபட இப்படியெல்லாம் செய்யுங்கள்; பலன்கள் குவியும்!