நெட்ஃபிளிக்ஸ் ஓடிடி தளத்துக்கு மூன்றாம் காலாண்டில் 24 லட்சம் பார்வையாளர்கள் அதிகரித்துள்ளதாக தெரிவிக்கப்பட்டுள்ளது.
அமெரிக்காவைத் தலைமையிடமாகக் கொண்டு செயல்படும் நெட்ஃபிளிக்ஸ் ஓடிடி நிறுவனம், திரைப்படங்களையும், தொடர்களையும் வெளியிட்டு வருகிறது. உலகெங்கும் கோடிக்கணக்கில் நெட்ஃபிளிக்ஸ் ஓடிடி தளத்தை மக்கள் உபயோகித்து வருகின்றனர். இந்த தள்த்திற்கென பலகோடி ரசிகர்கள் உள்ளனர்.
இந்நிலையில், இந்நிலையில் நடப்பாண்டின் 3வது காலாண்டில், நெட்ஃபிளிக்ஸ் நிறுவனத்தின் பங்குகள் 14 சதவிகிதம் அதிகரித்துள்ளது. இதே காலகட்டத்தில் நெட்ஃபிளிக்ஸ் நிறுவனத்திற்கு 24 லட்சம் பார்வையாளர்கள் அதிகரித்துள்ளதாகவும் தெரிவிக்கப்பட்டுள்ளது.
இதன்மூலம் 6 சதவிகிதம் வருவாய் அதிகரித்துள்ளது. அதாவது, 7.9 மில்லியன் டாலர் வருவாய் அதிகரித்துள்ளது. நெட்ஃபிளிக்ஸ் நிறுவனத்துக்கு கடந்த காலாண்டில் ஏற்பட்ட இழப்பு அதிகமாகும். அப்போது 10 லட்சம் பார்வையாளர்களை நெட்ஃபிளிக்ஸ் இழந்துள்ளது. அதற்கு முந்தைய காலாண்டில் 2 லட்சம் பார்வையாளர்களை நெட்ஃபிளிக்ஸ் இழந்தது குறிப்பிடத்தக்கது.
அடுத்த இரு மாதங்களுக்கு எதிர்பார்ப்புகளை உருவாக்கியுள்ள சீரிஸ்களையும், திரைப்படங்களையும் தன்னகத்தில் வைத்துள்ளதால், பார்வையாளர்கள் நெட்ஃபிளிக்ஸில் மேலும் அதிகரிப்பார்கள் என்று கருதப்படுகிறது.
இதையும் படிங்க: அயோத்தியில் தீபோற்சவ விழாவை பிரதமர் மோடி துவக்கி வைக்கிறார்