ஈரானில் பொதுவெளியில் நடனம் ஆடிய பெண்ணுக்கும், பெண்ணின் வருங்கால கணவருக்கும் 10.5 ஆண்டுகள் சிறைத் தண்டனை விதிக்கப்பட்டுள்ளது.
ஈரானில் ஹிஜாப்புக்கு எதிரான போராட்டம் என்பது நாளுக்கு நாள் அதிகரித்துக் கொண்டே செல்கிறது. இந்தப் போராட்டத்தில் ஈடுபடுபவர்களை ’கடவுளுக்கு எதிரான போர்’ என்ற குற்றச்சாட்டில் ஈரான் அரசு கைது செய்தும், அவர்கள் மீது பல்வேறு நடவடிக்கைகளையும் எடுத்து வருகிறது.
இந்நிலையில், ஈரான் தலைநகர் தெஹ்ரானில் உள்ள பொது சதுக்கத்தின் முன் அஸ்தியாஜ் ஹகிகி மற்றும் அவரது வருங்கால கணவர் அமீர் முகமது அஹ்மதி இருவரும் நடனம் ஆடி வீடியோ பதிவு செய்து சமூகவலைதளத்தில் வெளியிட்டனர்.
இந்த வீடியோவில் அஸ்தியாஜ், ஹிஜாப் அணியாமல் இருந்தார். இதைத்தொடர்ந்து, அஸ்தியாஜ் மற்றும் அமீர் முகமது ஆகிய இருவரும் கைது செய்யப்பட்டுள்ளதாகவும், அவர்களுக்கு 10.5 ஆண்டுகள் சிறைத் தண்டனை விதிக்கப்பட்டுள்ளதாகவும் அந்நாட்டின் முக்கிய ஊடகங்கள் தெரிவித்துள்ளன.
This couple has been sentenced to 10.5 of prison for this public dance in the Azadi Sq in Tehran. It’s hard to believe how little moments of joy are being so violently crushed by IR. Dancing in public has become one of the most powerful forms of resistance in Iran. #MahsaAmini pic.twitter.com/Yz3NpFBwIn
— Fatemeh (Shahrzad) Shams (@ShazzShams) January 30, 2023
மேலும், ஈரானில் பெண்கள் பொதுவெளியில் நடனமாடக்கூடாது என்ற விதியும் இருப்பதாக கூறப்படுகிறது.
சீனாவில் நிலநடுக்கம்; ரிக்டர் அளவுகளில் பெரிய வித்தியாசம்
