விநாயகர் சதுர்த்திக்கு பூரண கொழுக்கட்டை எப்படி செய்வது?

விநாயகர் சதுர்த்திக்கு பூரண கொழுக்கட்டை செய்து படையல் போடலாம் வாருங்கள்.

தேவையான பொருள்கள்:

1. அரிசி மாவு- ஒரு கப் 
2. துருவிய தேங்காய்- 2 கப் 
3. நெய்- 2 மேசைக்கரண்டி 
4. துருவிய வெல்லம்- ஒரு கப் 
5. உப்பு- தேவையான அளவு 
6. தண்ணீர்- தேவையான அளவு 

செய்முறை:

• முதலில் பூரணத்தை தயார் செய்து கொள்ள வேண்டும். அதற்கு, ஒரு கடாயில் நெய் ஊற்றி துருவிய தேங்காயைச் சற்று வதக்கி கொள்ள வேண்டும். 
• பின்பு, அதனுடன் துருவிய வெல்லத்தைச் சேர்க்க வேண்டும். 2 அல்லது 3 நிமிடங்கள் ஒன்றாக கலந்து விட வேண்டும். அதனை இறக்கி, ஆற வைக்க வேண்டும். 
• இதற்கு அடுத்து, கொழுக்கட்டை மாவு எடுத்து அதனுடன் சிறிது உப்பு, நெய் சேர்க்க வேண்டும். இவற்றுடன் சற்று சூடேறிய தண்ணீர் சேர்த்து நன்றாக பிசைந்து கொள்ள வேண்டும். 
• (நீங்கள் கடைகளில் வாங்கும் க்ஸ்ஒத்துக்கட்டி மாவு என்றால் நீங்கள் எடுக்கும் கப் அளவிற்கு ஒரு கப் தண்ணீர் சேர்க்க வேண்டும். அதனுடன் ஒரு மேசைக்கரண்டி நெய் சேர்த்தல் சரியாக இருக்கும்.)
• கொழுக்கட்டை மாவு பதம் அதிக தண்ணீராகவோ அல்லது கட்டியாகவோ இருக்க கூடாது. 
• மாவு கைப்பிடிக்கும் சூடு இருந்தால், உடனே அந்த மாவிலிருந்து சிறு உருண்டை எடுத்து, அதை கையில் நன்றாக உருட்டி கொள்ள வேண்டும். 
• பிறகு, மாவினை நன்றாக தட்டி குடுவையாக கொண்டு வர வேண்டும். அதனுள் தேங்காய் பூரணத்தை வைக்க வேண்டும்.தொடர்ந்து பூரணம் வெளியே வராதபடி கொழுக்கட்டையின் முனைகளை பிடிக்க வேண்டும். 
• உங்களுக்கு பிடித்த வடிவில் கொழுக்கட்டைகளை செய்யலாம். ஆனால், அதில் மாவு பதம் மட்டும் மிக முக்கியம்.
• (கொழுக்கட்டை மாவினை ஆற விடக் கூடாது. ஆறினால் கொழுக்கட்டை பிடிக்கும் பதம் வரமால், மாவு காய்ந்து கட்டியாகிவிடும்.) 
• பிடித்த கொழுக்கட்டைகளை இட்லி பாத்திரத்தில் 10 நிமிடங்கள் வேக வைக்க வேண்டும். 

அவ்வளவு தான்! 10 நிமிடங்கள் கழித்து கொழுக்கட்டைகளை எடுத்து விநாயகருக்கு படையலிட்டு உண்டால் சுவை அள்ளும்.

கோயம்பேடு சந்தையில் பூக்கள் விலை கடும் உயர்வு!