ஆயிரக்கணக்கில் ஊழியர்களை நிறுத்தும் மெட்டா – அதிர்ச்சி தகவல்!

மெட்டா நிறுவனத்தில் மற்றுமொரு முறை ஆட்குறைப்பு நடவடிக்கை எடுக்கப்பட உள்ளதாக தகவல்கள் வெளிவந்துள்ளன. 

முகவலைதளம், வாட்சப், இன்ஸ்டாகிராம் போன்றவற்றின் தாய் நிறுவனமான மெட்டா தங்கள் நிறுவனத்தின் பெரும்பாலான ஊழியர்களை கடந்த நவம்பர் மாதம் பணிநீக்கம் செய்த நிலையில், மீண்டும் பணிநீக்க நடவடிக்கையை மெட்டா நிறுவனம் மேற்கொள்ள இருப்பதாக தகவல்கள் வெளிவந்துள்ளது. 

மெட்டா நிறுவனம் கடந்த 2022 நவம்பர் மாதத்தில் மேற்கொண்ட பணிநீக்கத்தில் 11,000 ஊழியர்கள் நீக்கப்பட்டனர். ஆனால் இம்முறை இதை விடவும் அதிகமானவர்களை பணி நீக்கம் செய்ய இருப்பதாக கூறப்படுகிறது. 

மெட்டா நிறுவனம் தனது நிர்வாகத்தினை சீர்செய்யும் நடவடிக்கையாக, அவசியம் இல்லாமல் இருக்கும் குழுக்களை நீக்கும் நடவடிக்கையில் ஏற்கெனவே ஈடுபட்டு வருவதாக  தகவல்கள் வெளிவந்துள்ளது. 

இந்த நடவடிக்கை இறுதி செய்யப்படும்போது ஆயிரக்கணக்கான ஊழியர்களின் வேலை இழப்புக்கு வழிவகுக்கும் என்று எதிர்பார்க்கப்படுகிறது. விளம்பர வருவாயில் சரிவைக் கண்டுள்ள மெட்டா நிறுவனம் “மெட்டாவேர்ஸ்” என்ற விர்ச்சுவல் ரியாலிட்டி தளத்தில் கவனம் செலுத்தத் தொடங்கியுள்ளது குறிப்பிடத்தக்கது. 

மகளிர் தினம் முன்னெடுப்பு; ‘ஆறு மாத கால மகப்பேறு விடுப்பு’ என அறிவிப்பு