‘தேவர் ஜெயந்தி விழா’ முதல்வர் ஸ்டாலின் செல்ல இருந்த பசும்பொன் பயணம் ரத்து!

உடல்நலக் குறைவு காரணமாக தமிழக முதல்வர் மு.க.ஸ்டாலினின் பசும்பொன் பயணம் ரத்து செய்யப்பட்டுள்ளது.

பசும்பொன் முத்துராமலிங்க தேவரின் 115-வது குரு பூஜை மற்றும் ஜெயந்தி விழாவை முன்னிட்டு தமிழக முதல்வர் மு.க.ஸ்டாலின், கமுதி அருகே உள்ள பசும்பொன் கிராமத்திற்கு நாளை பயணம் மேற்கொள்ள திட்டமிட்டு இருந்தார். இந்த பயணத்திற்காக சென்னையில் இருந்து இன்று மாலை விமான மூலம் மதுரை செல்ல திட்டமிடப்பட்டிருந்தது.

இந்நிலையில், நேற்று இரவு அவருக்கு முதுகு வலி ஏற்பட்டதை அடுத்து, சென்னை போரூரில் உள்ள ராமச்சந்திரா மருத்துவமனைக்கு மு.க.ஸ்டாலின் வந்தார். அவருக்கு மருத்துவர்கள் மருத்துவ பரிசோதனை மேற்கொண்டனர். அதன் பிறகு, அவர் வீடு திரும்பினார்.

அவருக்கு முதுகு வலி ஏற்பட்டதால் நீண்ட தூர பயணங்களை தவிர்க்கும் படி மருத்துவர்கள் அறிவுறுத்தியுள்ளனர். உடல்நலக் குறைவு காரணமாக முதல்வரின் இன்றைய பசும்பொன் பயணம் ரத்து செய்யப்பட்டுள்ளது.

அதேசமயம் சென்னையில் உள்ள பசும்பொன் முத்துராமலிங்க தேவரின் சிலைக்கு நாளை (அக்டோபர் 30) முதல்வர் மு.க.ஸ்டாலின் மரியாதை செலுத்துவார் என தெரிவிக்கப்பட்டுள்ளது.

இதையும் படிங்க: கேட்சை தவறவிட்ட இலங்கை வீரர்…இதுதான் சமயமென விளாசிய பிலிப்ஸ்!