மெரினா கடற்கரையில் 24 மணி நேரமும் இலவச இணைய வசதி வழங்க சென்னை மாநகராட்சி திட்டமிட்டுள்ளது.
ரயில் நிலையங்களில் வைபை (WIFI) வசதி இருப்பதை நாம் அறிவோம். பொதுமக்களின் அவசர தேவைக்காக இந்தச் சேவை உருவாக்கப்பட்டுள்ளது. இதனை பொதுமக்கள் தினந்தோறும் பயன்படுத்தி வருகின்றனர்.
அதேபோல, சென்னை மெரினா கடற்கரை மற்றும் பெசன்ட் நகர் ஆகிய கடற்கரையில் 24 மணி நேர இலவச இணைய சேவை வழங்க சென்னை மாநகராட்சி திட்டமிட்டுள்ளது.
மெரினா, பெசன்ட் நகர் இரண்டு கடற்கரைகளும் சென்னை வாசிகளின் பிரதான பொழுது போக்கு தளமாக விளங்கி வருகிறது. அதேபோல் வெளிநாட்டவர் வந்து செல்லும் தமிழகத்தின் மிக முக்கிய சுற்றுலா தளமாகவும் இருக்கிறது.
இந்நிலையில், இந்த கடற்கரைகளில் சுற்றுலா துறையுடன் இணைந்து பொதுமக்களுக்கு இலவச இணையதள சேவை வழங்க சென்னை மாநகராட்சி திட்டமிட்டுள்ளது. முதல்கட்டமாக மெரினாவில் 5 இடங்களில் இலவச வைபை (WIFI) வசதி நிறுவப்படவுள்ளது.
இதையும் படிங்க: ஓடும் ரயிலில் வௌவாலாக மாறி தொங்கிய மாணவர்கள்.. தொடரும் சாகச அட்டூழியங்கள்
