தமிழ்நாட்டில் 29 சுங்கச்சாவடிகளில் நள்ளிரவு 12 முதல் சுங்கக் கட்டண உயர்வு அமலுக்கு வருவதாக தெரிவிக்கப்பட்டுள்ளது.
நாட்டில் தேசிய நெடுஞ்சாலைகளில் வாகனங்களில் பயணிக்க குறிப்பிட்ட கட்டணம் நிர்ணயிக்கப்பட்டு வசூலிக்கப்படுகிறது. இந்தக் கட்டணத்தை வசூலிக்க தேசிய நெடுஞ்சாலைகளில் சுங்கச்சாவடிகள் அமைக்கப்பட்டு உள்ளன.
இந்நிலையில் ஆண்டுக்கு ஒருமுறை சுங்கச்சாவடி கட்டணங்கள் மாற்றி அமைக்கப்பட்டு வருகின்றன. இந்நிலையில் நடப்பு நிதியாண்டில் நாடு முழுவதும் உள்ள சுங்கச்சாவடிகளில் 5 முதல் 10 சதவீதம் கட்டணத்தை உயர்த்த தேசிய நெடுஞ்சாலைகள் திட்ட ஆணையம் பரிந்துரை செய்துள்ளது. அதன்படி, 5 ரூபாய் முதல் 55 ரூபாய் வரை கட்டணம் உயரும் என தெரிய வருகிறது.
இந்நிலையில் நாளை ஏப்ரல் 1 ஆம் தேதி முதல் சுங்க கட்டணம் உயர்த்தப்படுகிறது. தமிழ்நாட்டில் உள்ள சுங்கச்சாவடிகளில் உள்ள 29 சுங்கச்சாவடிகளில் இந்தக் கட்டண உயர்வு அமலுக்கு வருவதாக சொல்லப்படுகிறது. இந்தக் கட்டண உயர்வு நள்ளிரவு 12 முதல் நடைமுறைக்கு வரும் என்றும் தெரிவிக்கப்பட்டுள்ளது.
சென்னையைப் பொறுத்தவரையில், புறநகர்ப் பகுதியில் உள்ள பரனூர், வானகரம், சூரப்பட்டு, செங்குன்றம், பட்டறை பெரும்புதூர் உள்ளிட்ட சுங்கச்சாவடிகளில் கட்டணம் உயர்கிறது.
நடவடிக்கை எடுக்கும் வரை போராட்டம்; பாலியல் தொல்லை காரணமாக கலாஷேத்ரா மாணவர்கள் திட்டவட்டம்!
