சென்னை நுங்கம்பாக்கத்தில் நடைபெற்று வரும் போராட்டத்தில் 40-க்கும் மேற்பட்ட ஆசிரியர்கள் மயக்கம் அடைந்தனர்.
ஊதிய முரண்பாடுகளை களைய வேண்டும் என்ற கோரிக்கையை வலியுறுத்தி சென்னை நுங்கம்பாக்கத்தில் இடைநிலை ஆசிரியர்கள் மூன்றாவது நாளாக உண்ணாவிரதப் போராட்டம் மேற்கொண்டு வருகின்றனர்.
தமிழகத்தில் 2009-ஆம் ஆண்டில் ஜூன் மாதம் முதல் பணியமர்த்தப்பட்ட இடைநிலை ஆசிரியர்களுக்கும், இதற்கு முந்தைய மாதத்தில் பணியமர்த்தப்பட்ட இடைநிலை ஆசிரியர்களுக்கும் அடிப்படை ஊதிய முரண்பாடு உள்ளது.
இந்த முரண்பாட்டை களையக்கோரி சென்னை நுங்கம்பாக்கத்தில் உள்ள பேராசிரியர் அன்பழகன் கல்வி வளாகத்தில் 2 ஆயிரத்துக்கும் மேற்பட்ட இடைநிலை ஆசிரியர்கள், குடும்பத்துடன், செவ்வாய்க்கிழமை முதல் தொடர் உண்ணாவிரத போராட்டத்தில் ஈடுபட்டு வருகின்றனர்.
மூன்றாவது நாளாக தொடர்ந்தபடி இருக்கும் இப்போராட்டத்தில், 40-க்கும் மேற்பட்ட ஆசிரியர்கள் மயக்கம் ஏற்பட்டு கீழ்ப்பாக்கம், ராயப்பேட்டை அரசு மருத்துவமனைகளுக்கு அழைத்து செல்லப்பட்டு சிகிச்சைப் பெற்று வருகின்றனர்.
இந்நிலையில், ஆசிரியர்களின் கோரிக்கையை ஏற்குமாறு தமிழக அரசுக்கு பல்வேறு அரசியல் தலைவர்களும் வலியுறுத்தி வருகின்றனர்.
வெங்கட் பிரபு – நாக சைதன்யா இணைந்த படம்; வெளிவந்த ரிலீஸ் தேதி..