திமுக நாடாளுமன்ற உறுப்பினரான ஆ.ராசாவை கண்டித்து மிரட்டல் காணொளி வெளியிட்டதற்காக கோவை மாவட்ட பாஜக தலைவர் உத்தம ராமசாமி கைது செய்யப்பட்டுள்ளார்.
இந்து மதம் குறித்து சர்ச்சைக்குரிய வகையில் பேசியதாக திமுக நாடாளுமன்ற உறுப்பினரான ஆ.ராசா மீது பல்வேறு புகார்கள் பதிவாகி வருகின்றன.
இந்நிலையில், பாஜக கட்சியினர் பலரும் ஆ.ராசாவை கண்டித்து கருத்துகளை தெரிவித்து வருகின்றனர். இதனிடையே, கோவை மாவட்ட பாஜக தலைவர் ஆ.ராசாவை கண்டித்து பேசிய காணொளி சமூக வலைத்தளங்களில் வெளியானது. இதனை வைத்து தந்தை பெரியார் திராவிட கழகத்தை சேர்ந்தவர்கள் இவர் மீது புகார் மனு அளித்துள்ளனர்.
இதையும் படிங்க: சென்னையில் ‘கஞ்சா கேக்’! தூண்டிலில் சிக்கிய மாணவர்கள்.. பகீர் கிளப்பும் அதிர்ச்சி தகவல்கள்
இந்த மனுவை விசாரித்த காவல்துறையினர் உத்தம ராமசாமியை கைது செய்துள்ளனர். இந்நிலையில், கோவை மாவட்ட பாஜக தலைவர் உத்தம ராமசாமி கைது செய்யப்பட்டதை கண்டித்து பீளமேடு காவல் நிலையம் அருகே பாஜகவினர் சாலை மறியல் போராட்டத்தில் ஈடுபட்டதால் சிறிது நேரம் அங்கு பரபரப்பு ஏற்பட்டது.
மேலும், கைதான உத்தம ராமசாமி மீது 3 பிரிவுகளின் கீழ் வழக்கு பதிவு செய்யப்பட்டு, அவருக்கு 15 நாட்கள் நீதிமன்ற காவல் வழங்கப்பட்டுள்ளது.
இந்து மத பெண்களை தொடர்ந்து இழிவாக பேசிவரும் ஆ.ராசா மீது ஆயிரகணக்கான வழக்குகள் பதிவு செய்யபட்டும் இதுவரை எந்த நடவடிக்கையும் இல்லை
ஆனால் கண்டித்து பேசியதற்காக இன்று அதிகாலையில் @balaji_utham அவர்களை கைது செய்துள்ளது காவல்துறை pic.twitter.com/McgT8pDwOX
— Selva Kumar (@Selvakumar_IN) September 21, 2022