லவ்-டுடே படத்தின் மேக்கிங் வீடியோ படக்குழுவால் யூடியூப் தளத்தில் வெளியிடப்பட்டுள்ளது.
இயக்குநர் பிரதீப் ரங்கநாதன் இயக்கத்திலும், நடிப்பிலும் கடந்த ஆண்டு வெளிவந்த திரைப்படம்தான், லவ் டுடே. ஏஜிஎஸ் நிறுவனம் தயாரிக்க, யுவன் சங்கர் ராஜா இசையமைத்திருந்த இப்படத்தில் சத்யராஜ், இவானா, ராதிகா, ரவீனா ரவி, யோகிபாபு உட்பட பலர் நடித்திருந்தனர்.
டிரைலர், பாடல்கள் என எல்லாமும் இளைஞர்களிடையே பெரிய கவனத்தைப் பெற்ற நிலையில் படமும் மிகப்பெரிய கவனத்தை பெற்றது. வசூலிலும் லவ்-டுடே ரூ.100 கோடி வசூல் செய்து அனைவரையும் வியப்படையச் செய்தது.
திரையரங்குகளில் தொடர்ந்து ஓடிக்கொண்டிருந்த இப்படத்தின் 100-வது நாள் விழா சென்னையில் சமீபத்தில் நடைபெற்றது. இந்த விழாவில் அனைவரின் பேச்சும் ரசிகர்களை கவர்ந்தது.
மேலும், லவ்-டுடே படத்தின் தயாரிப்பு நிறுவனமா ஏஜிஎஸ், ‘ லவ்-டுடே விரைவில் இந்தியில் ரீமேக் ஆக உள்ளதாக தெரிவித்துள்ளது’. இந்நிலையில், லவ்-டுடே படத்தின் மேக்கிங் வீடியோ தற்போது படக்குழுவால் யூடியூப் தளத்தில் வெளியிடப்பட்டுள்ளது. இந்த வீடியோவை ரசிகர்கள் அதிகளவில் பார்த்து வருகின்றனர்.
ட்விட்டரைத் தொடர்ந்து ஃபேஸ்புக், இன்ஸ்டாகிராமிலும் கட்டணம்; பயனர்கள் அதிர்ச்சி!
