இந்தியாவைப் பொருத்தவரை நேற்றிரவு 10.30 மணி முதல் ஒரு மணி நேரத்திற்கு இன்ஸ்டாகிராம் சேவை பாதிக்கப்பட்டது.
சமூக வலைதளங்களை பொருத்தவரையில் இன்ஸ்டாகிராம் தளமானது மிகவும் பிரபலமான ஒன்றாகும். இந்த இன்ஸ்டாகிராம் செயலியானது இளைஞர்கள் மத்தியில் அதிகம் உபயோகிக்கப்படுகிறது.
இந்நிலையில், இன்ஸ்டாகிராம் செயலியானது உலகம் முழுவதும் பல்வேறு நாடுகளில் சுமார் ஒரு மணி நேரம் முடங்கியது. இதனால் பயனர்கள் அவதிக்குள்ளாகினர். சமூக வலைத்தளங்களில் ஒன்றான ,தற்போதும் அதிகம் பேர் பயன்படுத்தக் கூடிய இன்ஸ்டாகிராம் செயலி அமெரிக்கா, தென் அமெரிக்கா, ஆசியா மற்றும் ஐரோப்பா போன்ற பகுதிகளில் நேற்று இரவு ஒரு மணி நேரம் முடங்கியது.
இந்தியாவைப் பொருத்தவரை நேற்றிரவு 10.30 மணி முதல் ஒரு மணி நேரத்திற்கு இன்ஸ்டாகிராம் சேவை பாதிக்கப்பட்டது. இதனையடுத்து சேவை பாதிப்பை உறுதி செய்த அந்நிறுவனம் சில மணி நேரங்களில் சேவையை சரிசெய்தது. இன்ஸ்டாகிராம் சேவை பாதிக்கப்பட்டதையடுத்து நெட்டிசன்கள் அதனை சமூக வலைதளங்களில் மீம்ஸ்களாக பதிவிட்டு வருகின்றனர்.