பழம்பெரும் ஹிந்தி நடிகையான ஆஷா பரேக்கிற்கு தாதா சாகேப் பால்கே விருது வழங்கப்படுவதாக மத்திய அரசு அறிவித்துள்ளது.
இந்திய திரை உலகில் தன்னிகரில்லா சேவையாற்றி வரும் கலைஞர்களுக்கு ஆண்டு தோறும் தாதா சாகேப் பால்கே விருது வழங்கப்பட்டு வருகிறது. இந்த விருதானது இந்திய திரை உலகினருக்கு கிடைக்கும் மிகப்பெரிய கவுரவமாகவும் அங்கீகாரமாகவும் பார்க்கப்படுகிறது.
சத்தியஜித் ரே, பிருத்விராஜ் கபூர், நாகிரெட்டி, லதா மங்கேஷ்கர், சிவாஜி கணேசன், கே. பாலசந்தர் உள்ளிட்ட திரையுலக வானில் ஜொலித்த நட்சத்திரங்களுக்கு தாதா சாகேப் விருது கொடுத்து அரசு அவர்களை மேலும் பெருமை அடைய வைத்துள்ளது.
அந்த வகையில், பாலிவுட்டில் 1960 மற்றும் 70-களில் முன்னணி நடிகையாக வலம் வந்த குஜராத்தைச் சேர்ந்த ஆஷா ப்ரேக் என்ற பழம்பெரும் நடிகைக்கு 2020 ஆண்டுக்கான தாதா சாகேப் பால்கே விருது வழங்கப்படுவதாக மத்திய அமைச்சர் அனுராக் தாகூர் அறிவித்துள்ளார்.
ஆஷா பரேக், 1952 முதல் 1999 வரை திரைத்துறையில் நடிகையாக பணியாற்றி வந்தார். மேலும் இவருக்கு 1992 ஆம் ஆண்டு பத்மஸ்ரீ விருது வழங்கி கௌரவிக்கப்பட்டது.
கடந்த ஆண்டுகளில் ரஜினிகாந்த், அமிதாப் பச்சன், வினோத் கன்னா ஆகியோருக்கும் தாதா சாகேப் பால்கே விருது வழங்கப்பட்டது குறிப்பிடத்தக்கது.
இதையும் படிங்க: ‘ஐஸ் வாரியம்’ என்று பார்த்திபன் யாரை வர்ணித்தார்?
