நடிகர் ரஜினிகாந்தும், நடிகர் மோகன்லாலும் சந்தித்துக்கொண்ட போது எடுக்கப்பட்ட புகைப்படம் இணையத்தில் வைரலாகி வருகிறது.
நடிகர் ரஜினிகாந்த் தற்போது நெல்சன் திலீப்குமார் இயக்கத்தில் உருவாகி வரும் ஜெயிலர் படத்தில் நடித்து வருகிறார். அனிருத் இசையமைக்கும் இப்படத்தில், மோகன்லால், சிவ்ராஜ்குமார், சுனில் மற்றும் தமன்னா போன்றோர் நடித்து வருகின்றனர்.
ஜெயிலர் படத்தின் படப்பிடிப்பு பணிகள் தற்போது ராஜஸ்தான் மாநிலத்தில் மும்மரமாக நடைபெற்று வருகிறது. அதே இடத்தில் லிஜோ இயக்கத்தில் உருவாகி வரும் மோகன்லால் நடிக்கும் மற்றொரு திரைப்படமான ‘மலைக்கோட்டை வாலிபன்’ படப்பிடிப்பும் நடைபெற்று வருகிறது.
இந்நிலையில், படப்பிடிப்புக்கு இடையே ரஜினிகாந்தும் மோகன்லாலும் சந்தித்துள்ளனர். இந்த சந்திப்பின்போது, மலைக்கோட்டை வாலிபன் திரைப்படத்தின் தயாரிப்பாளர்களுள் ஒருவரும், செஞ்சூரி பிக்சர்ஸ் நிறுவனருமான கொச்சுமோனும் உடனிருந்துள்ளார். இச்சந்திப்பின்போது எடுக்கப்பட்ட புகைப்படம் தற்போது இணையத்தில் வைரலாகி வருகிறது.
சமீபத்தில், ஜெயிலர் படத்தில் பிரபல நடிகர் ஜாக்கி ஷெராஃப் இணைந்துள்ளதாக அறிவிக்கப்பட்டது குறிப்பிடத்தக்கது.
காதல் மாதம்; இவையெல்லாம் அவசியமா? – இன்றைய ஸ்பெஷல்!