துணிவு திரைப்படத்தின் இயக்குநர் எச்.வினோத் அஜித்குமார் கதாப்பாத்திரம் குறித்த தகவல் ஒன்றை பகிர்ந்துள்ளார்.
நடிகர் அஜித்குமார் நடிப்பில் ‘துணிவு’ திரைப்படம் மிக வேகமான முறையில் உருவாகி வருகிறது. பொங்கல் வெளியிடாக, துணிவு திரைப்படம் திரைக்கு வரும் என்று அதிகாரப்பூர்வமாக அறிவிக்கப்பட்டுள்ள நிலையில், இத்திரைப்படம் சார்ந்த புரோமஷன் பணிகளை தற்போது தயாரிப்பு நிறுவனம் திட்டமிட்டு வருகிறது.
‘துணிவு’ திரைப்படம் சார்ந்து சமீபத்தில், இத்திரைப்படத்தின் இயக்குநர் எச்.வினோத் அளித்த போட்டி இணையத்தில் வைரலானது. இதைத்தொடர்ந்து, வெளிவந்த துணிவு திரைப்படத்தின் புகைப்படங்களும் வைரலானது.
தற்போது, டப்பிங் பணிகள் எல்லாம் முடிவடைந்து பொங்கலுக்கு திரைக்கு வர காத்திருக்கிறது, துணிவு திரைப்படம். இதைத்தொடர்ந்து, ஜிப்ரான் இசையில் அனிரூத் பாடி , வைசாக் வரியில் துணிவு திரைப்படத்திலிருந்து ‘சில்லா சில்லா’ எனும் பாடல் சமீபத்தில் வெளியானது.
இப்பாடல் வெளியாகி பலரையும் கவர்ந்து வருகிறது. இந்நிலையில், துணிவு திரைப்படத்தின் இயக்குநர் எச்.வினோத் அஜித்குமார் கதாப்பாத்திரம் குறித்த தகவல் ஒன்றை பகிர்ந்துள்ளார். அதன்படி, துணிவு திரைப்படத்தில் முழுக்க முழுக்க நெகட்டிவ் கதாப்பாத்திரமாகத்தான் அஜித்குமார் நடித்துள்ளாராம்.
முன்னதாக, அஜித்குமார் நெகட்டிவ் கதாப்பாத்திரங்களில் நடித்த வாலி, மங்காத்தா போன்ற திரைப்படங்கள் பெரிய அளவில் ஹிட் ஆனது குறிப்பிடத்தக்கது.
சமூகவலைதளத்தில் அட்லீ சொன்ன நல்ல செய்தி… வாழ்த்து மழையை பொழியும் ரசிகர்கள்