திருவண்ணாமலையில் ஏற்றப்பட்ட மகா தீபம் தொடர்ந்து 8-வது நாளாக சுடர்விட்டு எரிந்து கொண்டிருக்கிறது.
திருவண்ணாமலை அண்ணாமலையார் கோயிலில் கார்த்திகை தீபத் திருவிழா கடந்த மாதம் 27ஆம் தேதி கொடியேற்றத்துடன் தொடங்கியது. இந்தத் கார்த்திகை தீபத் திருவிழாவின் சிகர நிகழ்ச்சிகளான பரணி தீபம் 6 ஆம் தேதி அதிகாலையும், மகா தீபம் கோயிலின் பின்புறம் உள்ள 2,668 மலையின் மீது மாலை 6 மணிக்கும் ஏற்றப்பட்டது.
மகா தீபத்தை காண வெளி மாநிலங்களில் இருந்தும் வெளி நாடுகளில் இருந்தும் 10 லட்சத்திற்கும் மேற்பட்ட பக்தர்கள் வந்தனர். மேலும் இவர்கள் திருவண்ணாமலையைச் சுற்றி 14 கிலோ மீட்டர் தூரத்திற்கு கிரிவலம் மேற்கொண்டு சாமி தரிசனம் செய்தனர். மகா தீபம் தொடர்ந்து சுடர்விட்டு எரிந்து, 11 நாட்கள் காட்சி அளிப்பது வழக்கம்.
அந்த வகையில் தீபம் ஏற்றப்பட்டு 8 நாட்கள் ஆனா பிறகும் மகா தீபம் சுடர்விட்டு எரிந்துகொண்டு இருக்கிறது.
முன்னதாக தீபம் ஏற்றப்பட்டு நான்கு நாட்களில் மாண்டஸ் புயல் உருவானது. இதன் காரணமாக திருவண்ணாமலையில் தொடர் மழை பெய்த போதிலும் மகா தீபம் தொடர்ந்து எரிந்து வருவது குறிப்பிடத்தக்கது.
கர்நாடகாவில் 5 வயது சிறுமிக்கு உறுதி செய்யப்பட்ட ஜிகா வைரஸ்…