யுவராஜ் சிங்கின் ட்விட்டர் பதிவு சமூகவலைதளத்தில் வைரலாகி வருகிறது.
யுவராஜ் சிங் 2007-ம் ஆண்டு நிகழ்த்திய நிகழ்வை கிரிக்கெட் ரசிகர்கள் எவராலும் அவ்வளவு எளிதில் மறக்க முடியாது. இங்கிலாந்து வேகப்பந்து வீச்சாளர் பிராட் ஓவரில் யுவராஜ் சிங் 6 பந்துகளில் 6 சிக்ஸர்கள் அடித்து சாதனை செய்து அசத்தினார்.
இதையும் படிங்க : ‘கோலியை ஓய்வு பெற சொல்லுங்கள் ‘ – அப்ரிடியை தொடர்ந்து சோயிப் அக்தர் சர்ச்சை கருத்து
இந்த சாதனை நிகழ்வதற்கு முந்தைய ஓவரில் இங்கிலாந்து வீரர் பிளிண்டாப்புடன் வாக்குவாதம் ஏற்பட்டது. அதன் கோபத்தில்தான் அடுத்து வீசப்பட்ட 6 பந்துகளில் 6 சிக்சர்களை யுவராஜ் சிங் விளாசினார். இந்த சம்பவம் நிகழ்ந்து நேற்றோடு 15 ஆண்டுகள் நிறைவுபெற்றுள்ளன.
Couldn’t have found a better partner to watch this together with after 15 years 👶 🏏 #15YearsOfSixSixes #ThisDayThatYear #Throwback #MotivationalMonday #GetUpAndDoItAgain #SixSixes #OnThisDay pic.twitter.com/jlU3RR0TmQ
— Yuvraj Singh (@YUVSTRONG12) September 19, 2022
இதையொட்டி, சமூகவலைதளங்களில் யுவராஜ் சிங் அடித்த 6 பந்துகளில் 6 சிக்சர்கள் நிகழ்வு வைரலானது. இந்நிலையில், யுவராஜ் சிங் தனது ட்விட்டர் பக்கத்தில் குழந்தையுடன் இருக்கும் விடியோவை பதிவிட்டு, 15 ஆண்டுகளுக்குப் பிறகு 6 பந்துகளில் 6 சிக்ஸர் அடித்த விடியோவை பார்ப்பதற்கு இதை விட சிறந்த பார்ட்னர் அமையவில்லை என்று பதிவிட்டுள்ளார். யுவராஜ் சிங்கின் இந்த பதிவு சமூகவலைதளத்தில் பரவலாகி வருகிறது.