நடிகர் விஜய் நடிப்பில் உருவாகி வரும் வாரிசு திரைப்படத்தின் இறுதிகட்ட படப்பிடிப்புகள் தொடங்கின.
இந்திய நடிகர்களில் முக்கியமானவர் நடிகர் விஜய். இவருக்கென்று பெரும் ரசிகர் பட்டாளமே இருக்கிறது. தற்போது இவர் ‘வாரிசு’ என்ற திரைப்படத்தில் நடித்து வருகிறார். இத்திரைப்படத்தை இயக்குநர் வம்சி இயக்குகிறார். தில் ராஜூ தயாரிக்கிறார்.
வாரிசு திரைப்படத்தின் மீதான எதிர்பார்ப்பு என்பது நாளுக்கு நாள் உயர்ந்துகொண்டே போகிறது. எப்படியாவது பொங்கலுக்கு திரைப்படத்தை ரிலீஸ் செய்துவிட வேண்டும் என்ற முனைப்புடன் படக்குழு விறுவிறுப்பாக படப்பிடிப்புகளை நிகழ்த்தி வருகிறது.
இந்நிலையில், வாரிசு திரைப்படத்தின் படப்பிடிப்பு குறித்த அப்டேட்டை தயாரிப்பு நிறுவனம் வெளியிட்டுள்ளது. அதன்படி, செப்டம்பர் 25-ம் தேதி வாரிசு திரைப்படத்தின் இறுதிக்கட்ட படப்பிடிப்பு தொடங்கியது. இந்த படப்பிடிப்பில் இரண்டு சண்டைக்காட்சிகள் மற்றும் இரண்டு பாடல்காட்சிகள் படமாக்கப்பட இருக்கின்றன.
வாரிசு திரைப்படத்தில், பிரபு, பிரகாஷ் ராஜ், ஷியாம், சரத்குமார், சம்யுக்தா, குஷ்பு, யோகிபாபு என பெரும் நட்சத்திர பட்டாளமே நடித்துவருகிறது. மேலும், விஜய்க்கு ஜோடியாக இத்திரைப்படத்தில் ராஷ்மிகா மந்தனா நடித்து வருகிறார். தமன் இத்திரைப்படத்திற்கு இசையமைத்து வருவது குறிப்பிடத்தக்கது.
இதையும் படிங்க: துணிவு படப்பிடிப்பிற்காக தாய்லாந்து செல்லும் அஜித்குமார்.. வைரலான காட்சிகள்!
