நடிகர் விஜய் மற்றும் லோகேஷ் கனகராஜ் இணையவுள்ள ‘தளபதி 67’ திரைப்படத்தில் நடிகர் விஷால் நடிக்கவுள்ளதாக தகவல்கள் வெளிவந்துள்ளது.
மாஸ்டர் திரைப்படத்தின் வெற்றிக்குப் பிறகு நடிகர் விஜய் மற்றும் இயக்குநர் லோகேஷ் கனகராஜ் இருவரும் விரைவில் ‘தளபதி 67’ படத்திற்காக இணையவுள்ளனர். மாஸ்டர் திரைப்படத்திற்கு பிறகு விஜய் நடிப்பில் வெளிவந்த பீஸ்ட் திரைப்படம் சறுக்கலை சந்தித்தது. அதேசமயம், லோகேஷ் கனகராஜ் இயக்கத்தில் வெளிவந்த விக்ரம் வெற்றியை சந்தித்தது.
இச்சூழலில்தான், ‘தளபதி 67’ திரைப்படம் குறித்த அறிவிப்பு டிசம்பர் மாதம் வெளியாகும் என இயக்குநர் லோகேஷ் கனகராஜ் தெரிவித்துள்ளார். இதனால், ரசிகர்கள் பெரும் ஆனந்தத்தில் உள்ளனர். அதிகாரப்பூர்வ அறிவிப்பே வெளியாகாத நிலையில் ‘தளபதி 67’ திரைப்படத்திற்கான எதிர்பார்ப்பு என்பது நாளுக்கு நாள் அதிகரித்துக்கொண்டு செல்வது திரையுலகினரை வியப்பில் ஆழ்த்தியுள்ளது.
இந்நிலையில், ‘தளபதி 67’ திரைப்படத்தில் நடிகர் விஜய்யுடன் இணைந்து நடிகர் விஷால் நடிக்கவுள்ளதாக தகவல்கள் வெளிவந்துள்ளது. விஷால், விஜய் ரசிகர் என்பதாலும், லோகேஷ் கனகராஜின் இயக்கத்தின் மீது நல்ல அபிப்ராயத்தை அவர் வைத்துள்ளதாலும் ‘தளபதி 67’ திரைப்படத்தில் அவர் நடிக்க அதீத வாய்ப்புள்ளதாக தகவல்கள் வெளிவந்துள்ளது.
நடிகர் விஜய் நடிப்பில் வரவிருக்கும் பொங்கலுக்கு ‘வாரிசு’ திரைப்படம் வெளியாகவுள்ளது குறிப்பிடத்தக்கது.
இதையும் படிங்க: இந்தியாவில் புதிதாக இன்று 1,326 பேருக்கு உறுதியான தொற்று…
