விஜய்யின் அடுத்த திரைப்படம் குறித்து இயக்குநர் லோகேஷ் கனகராஜ் தகவல் தெரிவித்துள்ளார்.
மாஸ்டர் திரைப்படத்தின் வெற்றிக்குப் பிறகு தளபதி விஜய் மற்றும் இயக்குநர் லோகேஷ் கனகராஜ் இருவரும் விரைவில் ‘தளபதி 67’ படத்திற்காக இணையவுள்ளனர். மாஸ்டர் திரைப்படத்திற்கு பிறகு விஜய் நடிப்பில் வெளிவந்த பீஸ்ட் திரைப்படம் சறுக்கலை சந்தித்தது. அதேசமயம், லோகேஷ் கனகராஜ் இயக்கத்தில் வெளிவந்த விக்ரம் வெற்றியை சந்தித்தது.
இதனிடையே, ‘தளபதி 67’ திரைப்படத்திற்கான படப்பிடிப்புகள் விரைவில் தொடங்கவுள்ளதாக தகவல்கள் வெளிவந்துள்ளன. இத்திரைப்படத்திற்கான எதிர்பார்ப்பு என்பது நாளுக்கு நாள் அதிகரித்துக்கொண்டே வருகிறது.
இதைத்தொடர்ந்து, வெளிவந்துள்ள தகவலின்படி, ‘தளபதி 67’ திரைப்படத்திற்கான செட் ஓன்று சென்னையை அடுத்த பையனூரில் உருவாக்கப்பட்டு வருவதாக தகவல்கள் வெளியாகின. ஆனால், இது குறித்து எந்த அதிகாரப்பூர்வ அறிவிப்பும் வெளிவரவில்லை. இருப்பினும், ‘தளபதி 67’ குறித்து விடாது செய்திகள் பரவிய வண்ணம் உள்ளன.
இந்நிலையில், தற்போது ‘தளபதி 67’ திரைப்படம் குறித்த அறிவிப்பு டிசம்பர் மாதம் வெளியாகும் என இயக்குநர் லோகேஷ் கனகராஜ் தெரிவித்துள்ளார். இதனால், ரசிகர்கள் பெரும் ஆனந்தத்தில் உள்ளனர்.
விஜய் தற்போது வம்சி இயக்கத்தில் வாரிசு என்ற திரைப்படத்தில் நடித்துவருகிறார். வாரிசு திரைப்படம் பொங்கலுக்கு வெளியாகவுள்ளது குறிப்பிடத்தக்கது.
இதையும் படிங்க: கோவை கார் வெடிப்பு சம்பவம்; தமிழக அரசின் என்ஐஏ பரிந்துரையை ஏற்ற மத்திய அரசு
