தெலுங்கானா மாநிலத்தில் நண்பனின் திருமண வரவேற்பு நிகழ்ச்சியில் நடனமாடிய 19 வயது இளைஞர் மயங்கி விழுந்து உயிரிழந்த சம்பவம் அதிர்ச்சியை ஏற்படுத்தியுள்ளது.
தெலுங்கானா மாநிலம், நிர்மல் மாவட்டத்தில் உள்ள பார்ட்டி கிராமத்தில் நேற்று சித்தையா என்பவர் வீட்டு திருமண வரவேற்பு நிகழ்ச்சி நடைபெற்றது. இந்த வரவேற்பு நிகழ்ச்சியில் சித்தையாவின் உறவினரான மராட்டிய மாநிலத்தைச் சேர்ந்த 19 வயது முத்யம் என்ற இளைஞர் கலந்துகொண்டார்.
திருமண வரவேற்பு நிகழ்ச்சியின்போது, ஆடல்-பாடல் கலைநிகழ்ச்சி நடைபெற்றுள்ளது. இதில் முத்யம் உற்சாகமாக நடனம் ஆடியுள்ளார். அப்போது, முத்யம் திடீரென மயங்கி விழுந்தார். உடனே அவரை அருகில் இருந்த ஆரம்ப சுகாதார நிலையத்துக்கு அனுப்பி வைத்தனர். அங்கு அவருக்கு பரிசோதை செய்தபோது, அவர் ஏற்கனவே உயிரிழந்துவிட்டதாக மருத்துவர்கள் தெரிவித்துள்ளனர்.
19 வயதான முத்யம் என்ற இளைஞர் உயிரிழந்திருப்பது அப்பகுதியில் அதிர்ச்சியை ஏற்படுத்தியுள்ளது. இந்தச் சம்பவம் தொடர்பாக வழக்குபதிவு செய்யப்பட்டு விசாரணை நடத்தப்பட்டதில் அவருக்கு மாரடைப்பு ஏற்பட்டிருக்கலாம் என சொல்லப்படுகிறது.
‘தமிழ் படங்களில் நடிப்பேன் ஆனால்… ‘ – நடிகை ஸ்ரேயா பேட்டி
