இருபது ஓவர் சையத் முஷ்டாக் அலி கோப்பையில் சண்டிகர் அணியை தமிழக அணி வீழ்த்தியுள்ளது.
இருபது ஓவர் சையத் முஷ்டாக் கோப்பை நடைபெற்று வருகிறது. இந்தப் போட்டியில் சண்டிகர் அணியை 56 ரன்கள் வித்தியாசத்தில் வீழ்த்தியது தமிழக அணி.
லக்னோவில் நடைபெற்ற ஆட்டத்தில் தமிழகம் – சண்டிகர் அணிகள் மோதின. டாஸ் வென்ற சண்டிகர் அணி, பந்துவீச்சைத் தேர்வு செய்தது. தமிழக அணி கேப்டன் பாபா அபரஜித் நன்கு விளையாடி 55 பந்துகளில் 5 சிக்ஸர்கள், 4 பவுண்டரிகளுடன் 67 ரன்கள் எடுத்தார்.
தமிழக அணி, 20 ஓவர்களில் 6 விக்கெட் இழப்புக்கு 161 ரன்கள் எடுத்தது. தமிழக அணி அற்புதமாகப் பந்துவீசியதால் சண்டிகர் அணி 18.1 ஓவர்களில் 105 ரன்களுக்கு அனைத்து விக்கெட்டுகளையும் இழந்தது. பாக்மெந்தர் லேதர் அதிகபட்சமாக 38 ரன்கள் எடுத்தார். வருண் சக்ரவர்த்தி 3 விக்கெட்டுகளும் நடராஜன், சந்தீப் வாரியர் தலா 2 விக்கெட்டுகளும் எடுத்தார்கள்.
இதுவரை விளையாடிய 6 ஆட்டங்களில் 4-ல் வெற்றி பெற்றுள்ளது தமிழகம். சண்டிகர் அணி 5 ஆட்டங்களில் 2-ல் வெற்றி பெற்றுள்ளது.
இதையும் படிங்க: தூத்துக்குடி துப்பாக்கிச்சூடு சம்பவம்: 4 பேரை பணியிடை நீக்கம் செய்து டிஜிபி அதிரடி உத்தரவு…
