செல்வராகவன் நடிப்பில் உருவாகியுள்ள ‘பகாசூரன்’ திரைப்படத்தின் டிரெய்லர் இன்று யூடியூப் தளத்தில் வெளிவந்துள்ளது.
‘பழைய வண்ணாரப்பேட்டை’, ‘திரௌபதி’ மற்றும் ‘ருத்ர தாண்டவம்’ உள்ளிட்டப் படங்களை இயக்கிய மோகன்.ஜி தற்போது இயக்குநர் செல்வராகவனை வைத்து ‘பகாசூரன்’ என்கிற திரைப்படத்தை இயக்கியுள்ளார்.
நடிகர் நடராஜ், ராதாரவி, கே.ராஜன் உள்ளிட்டோர் நடித்துள்ள இத்திரைப்படத்திற்கு சாம்.சிஎஸ் இசைமையத்துள்ளார்.
கடந்த ஆகஸ்ட் மாதம் வெளிவந்த இத்திரைப்படத்தின் டீசர் சினிமா ரசிகர்களிடையே நல்ல வரவேற்பை பெற்றது. இதைத்தொடர்ந்து, ‘பகாசூரன்’ திரைப்படத்தில் இருந்து ‘ சிவ சிவாயம்’ எனும் பாடல் சமீபத்தில் வெளியிடப்பட்டது. இப்பாடலும், ரசிகர்களிடையே நல்ல வரவேற்பை பெற்றது.
இதைத்தொடர்ந்து, ‘பகாசூரன்’ திரைப்படம் வருகிற நவம்பர் மாதத்தில் வெளியாகும் எனப் படக்குழுவினர் அறிவித்தனர். ஆனால் பல்வேறு காரணங்களால் திரைப்படம் வெளியாகாமல் தள்ளிப் போனது.
இந்நிலையில், ‘பகாசூரன்’ திரைப்படத்தின் டிரெய்லர் இன்று யூடியூப் தளத்தில் வெளிவந்துள்ளது. மேலும், திரைப்படம் விரைவில் திரையரங்குகளில் வெளியாகும் என அறிவிக்கப்பட்டுள்ளது.
சென்னையில் சர்வதேச திரைப்பட விழா; 51 நாடுகள் பங்கேற்பு
