சென்னையில் நடைபெறவுள்ள சர்வதேச திரைப்பட விழாவில் திரையிட 12 தமிழ்த் திரைப்படங்கள் தேர்வு செய்யப்பட்டுள்ளன.
சென்னையில் ஆண்டுதோறும் சர்வதேச திரைப்பட விழா நடைபற்று வருகிறது. அந்த வகையில் இந்த வருடமும் சர்வதேச திரைப்பட விழா டிசம்பர் மாதம் 15-ஆம் தேதி தொடங்கி டிசம்பர் 22-ஆம் தேதி வரை நடைபெறவுள்ளது. 20-ஆவது முறையாக இந்த விழாவானது சென்னையில் நடைபெறுகிறது.
இத்திரைப்பட விழாவை தமிழக செய்தித்துறை அமைச்சர் சாமிநாதன் வருகிற 15-ஆம் தேதி மாலை தொடங்கிவைக்க உள்ளதாக தெரிவிக்கப்பட்டுள்ளது.
இந்த விழாவில் 51 நாடுகளைச் சார்ந்த 102 திரைப்படங்கள் திரையிடப்பட முடிவு செய்யப்பட்டுள்ளது. இதனால், சினிமா ரசிகர்கள் மகிழ்ச்சியில் உள்ளனர். மேலும், 20-வது சென்னை சர்வதேச திரைப்பட விழாவில் திரையிட 12 தமிழ்த் திரைப்படங்கள் தேர்வு செய்யப்பட்டுள்ளன.
தேர்ந்தெடுக்கப்பட்டுள்ள தமிழ் படங்கள்;
ஆதார், பிகினிங், கார்கி, இரவின் நிழல், கசடதபற, பபூன், கோட், இறுதிபக்கம், மாமனிதன், நட்சத்திரம் நகர்கிறது, ஓ 2, யுத்த காண்டம்
விஜய் – லோகேஷ் இணையும் ‘தளபதி-67’ .. இன்று நடைபெற்ற அந்த கோலாகலம்…
