இதுவரை நான் இசை அமைத்ததிலேயே இந்தப் படத்தில்தான் எனது இசை சிறப்பாக இருக்கும் என அனிருத் தெரிவித்துள்ளார்.
நடிகர் ஷாருக்கானின் பதான் படம் கடந்த ஜனவரி 25-ஆம் தேதி வெளியாகி பெரும் வசூல் சாதனையை நிகழ்த்தி வருகிறது. பதான் படத்திற்கு பிறகு ஷாருக்கான் நடிப்பில் வெளியாகவுள்ள படம்தான், ஜவான்.
இயக்குநர் அட்லீ இயக்கத்தில் நடிகர் ஷாருக்கான் நடிப்பில் உருவாகிவரும் ஜவான் படத்திற்கு இந்திய அளவில் பெரும் எதிர்பார்ப்பு எழுந்துள்ளது. ஜவான் படத்திலிருந்து வெளியிடப்பட்ட படத்தின் அறிமுக வீடியோவும் ரசிகர்களை பெருமளவில் கவர்ந்தது.
அனிருத் இசையமைக்கும் இப்படத்தில் விஜய் சேதுபதி, நயன்தாரா போன்றோர் நடித்துள்ளனர். சமீபத்தில் இந்தப் படத்திலிருந்து ஷாருக்கான் வெறித்தனமாக சண்டையிடும் 6 நொடி சண்டைக்காட்சிகள் இணையத்தில் வெளியாகி டிரெண்டானது.
இந்நிலையில், ஜவான் படத்தின் இசை குறித்து அனிருத், “ஷாருக்கானை பார்த்து வளர்ந்தவன் நான். இதுவரை நான் இசை அமைத்ததிலேயே இந்தப் படத்தில்தான் சிறப்பாக இருக்கும். இது அவருக்கான சமர்ப்பணமாக இருக்கும்” என கூறியதாக தகவல் வெளியாகியுள்ளது.
ஜவான் படத்தில் நடிகர் விஜய் கௌரவத் தோற்றத்தில் நடித்திருப்பதாக தகவல்கள் வெளிவந்துள்ளது குறிப்பிடத்தக்கது.
3 ஆண்டுகளில் 9 ஆயிரம் கிலோ கடத்தல் தங்கம் பறிமுதல்; மத்திய அரசு தகவல்
