ரஷ்யாவில் உள்ள உணவகங்களை மெக்டொனால்டு நிறுவனம் மூடுகிறது, இது மாஸ்கோவிற்கும் மேற்கிற்கும் இடையிலான நெருக்கமான உறவுகளின் முடிவைக் குறிக்கும் வண்ணம் உள்ளது.
ரஷ்யாவின் துரித உணவு பிரியர்களுக்கு ஒரு புதிய நாள் உதயமாகியுள்ளது. கடந்த முப்பதாண்டு காலமாக ரஷ்யாவில் இயங்கி வந்த மெக்டொனால்டின் உணவகங்கள் புதிய பெயர் மற்றும் உரிமையின் கீழ் மீண்டும் திறக்கப்பட உள்ளன.
ஜனவரி 1990 இல் முதன்முதலாக மெக்டொனால்டு நிறுவனத்தின் கிளை ரஷ்யாவில் திறக்கப்பட்ட இடமான மாஸ்கோவின் புஷ்கின் சதுக்கத்தில், தற்போது புதிய பெயர் மற்றும் உரிமையாளரினால் நாட்டின் சுதந்திரத்தைக் கொண்டாடும் தேசபக்தி விடுமுறை தினமான ரஷ்யா தினத்தன்று மீண்டும் தொடங்கப்பட உள்ளது.
சோவியத் யூனியன் கலைக்கப்பட்டதும், பனிப்போர் பதட்டங்களைத் தணிக்க மெக்டொனால்ட் ரஷ்யாவிற்கு வந்தது. மேலும் இது மில்லியன் கணக்கான ரஷ்யர்களுக்கு அமெரிக்க உணவு மற்றும் கலாச்சாரத்தை ஒரு முன்மாதிரியாக மாற்றுவதற்கான ஒரு வாகனமாக இருந்தது. இந்நிறுவனத்தின் வெளியேற்றம் இப்போது ரஷ்யாவும் மேற்கத்திய நாடுகளும் எவ்வாறு மீண்டும் ஒருவரையொருவர் எதிரியாக்கிக் கொள்கின்றன என்பதற்கான சக்திவாய்ந்த அடையாளமாகும். மெக்டொனால்ட் கடந்த மாதம் ரஷ்யாவில் உள்ள தனது உணவகங்களை அதன் உள்ளூர் உரிமைதாரர்களில் ஒருவரான அலெக்சாண்டர் கோவருக்கு விற்பனை செய்வதாகக் கூறியிருந்தது. பிப்ரவரியில் உக்ரைன் மீதான ரஷ்யாவின் ஆக்கிரமிப்புக்குப் பிறகு இது மிக உயர்ந்த வணிக வெளியேற்றத்தில் ஒன்றாகும்.
மாஸ்கோ மற்றும் செயின்ட் பீட்டர்ஸ்பர்க் முழுவதும் உள்ள தளங்களில் மெக்டொனால்டின் சின்னமான தங்க வளைவுகள் அகற்றப்பட்டுள்ளன. ஆரம்பத்தில் மாஸ்கோ மற்றும் அதைச் சுற்றியுள்ள 15 இடங்களில் மட்டும் திறக்க திட்டமிடப்பட்டுள்ளது. புதிய சங்கிலியின் பெயர் மிகவும் பாதுகாக்கப்பட்ட இரகசியமாக உள்ளது.
கடந்த வெள்ளியன்று மெக்டொனால்ட் செயலியின் பெயரை என் பர்கர் (My Burger) என பெயர் மாற்றியது ஆன்லைனில் உற்சாகத்தை ஏற்படுத்தியது. ஆனால் இது தற்காலிகமானது மட்டுமே என்று சங்கிலியின் செய்தியாளர்கள் குழு தெரிவித்துள்ளது.
மெக்டொனால்டின் சொத்துக்களின் புதிய உரிமையாளர் நாடு முழுவதும் 1,000 இடங்களுக்கு புதிய பிராண்டை விரிவுபடுத்த திட்டமிட்டுள்ளதாகவும், இரண்டு மாதங்களுக்குள் அனைத்து சங்கிலி உணவகங்களையும் மீண்டும் திறப்பதாகவும் கூறியுள்ளார். ஆனால் சில எதிர்வினைகள் இருக்கலாம் எனவும் தெரிவித்துள்ளார். “எதிர்வினை என்னவாக இருக்கும் என்பது முக்கியம், மேலும் மக்கள் அதை மெக்டொனால்டுடன் ஒப்பிடுவார்கள். உலகின் மிகப்பெரிய பர்கர் சங்கிலியான மெக்டொனால்ட் ரஷ்யா முழுவதும் உள்ள அதன் 850 உணவகங்களில் 84 சதவீதத்தை சொந்தமாகக் கொண்டிருந்தது குறிப்பிடத்தக்கது. 2023 வரை மாஸ்கோ மற்றும் செயின்ட் பீட்டர்ஸ்பர்க்கில் உள்ள விமான நிலையங்கள் மற்றும் ரயில் நிலையங்களில் மெக்டொனால்ட்ஸ் வழக்கம்போல் திறந்திருக்கும் என ரஷ்ய செய்தி நிறுவனங்கள் தெரிவித்துள்ளன.
எத்தனால் கலந்த பெட்ரோல் என்றால் என்ன, அது வாகனங்களுக்கு பயனுள்ளதா அல்லது தீங்கு விளைவிக்குமா
