2023-ஆம் ஆண்டுக்கான ஐபிஎல் தொடரின் அட்டவணை தற்போது வெளியிடப்பட்டுள்ளது.
இந்தியாவில் நடத்தப்படும் ஐபிஎல் தொடருக்கு இந்தியா மட்டுமல்லாது உலகெங்கிலும் ரசிகர்கள் உள்ளனர். கடந்த 2008-ஆம் ஆண்டு தொடங்கப்பட்ட ஐபிஎல் தொடர் சிறப்பான முறையில் நடைபெற்று வருகிறது. இந்நிலையில், 16-ஆவது ஐபிஎல் தொடர் இந்த ஆண்டு நடைபெறவுள்ளது.
இதைத்தொடர்ந்து, இந்தாண்டுக்கான ஐபிஎல் தொடரின் அட்டவணை வெளியிடப்பட்டுள்ளது. அதன்படி, வருகிற மார்ச் 31-ஆம் தேதி 2023-ஆம் ஆண்டுக்கான ஐபிஎல் தொடர் தொடங்கவுள்ளது. இத்தொடரின் முதல் போட்டியில் குஜராத் மற்றும் சென்னை அணிகள் மோதுகின்றன.
மார்ச் 31-ஆம் தேதி தொடங்கும் ஐபிஎல் தொடர் மே 21-ஆம் தேதி நிறைவடைகிறது. ஐபிஎல் 2023 தொடரில் 70 ஆட்டங்கள் நடைபெற உள்ளது. இதில் 18 போட்டிகள் டபுள் ஹெட்டர்களாக உள்ளது. மொத்தம் பத்து அணிகள் இத்தொடரில் பங்கேற்கின்றன.
இம்முறை ஐபிஎல் போட்டிகள் பழைய முறைப்படி சொந்த மைதானத்தில் 7 போட்டிகளும், பிற மைதானங்களில் 7 போட்டிகளும் விளையாடுகின்றன. மொத்தம் 12 மைதானங்களில் ஐபிஎல் போட்டிகள் நடைபெறுகின்றன.
குரூப் 1: மும்பை, கொல்கத்தா, ராஜஸ்தான், டெல்லி, லக்னோ
குரூப் 2: சென்னை, ஐதராபாத், பெங்களூரு, பஞ்சாப், குஜராத்
சென்னை அன்பு இல்லத்தில் இருந்து தப்பியோடிய சிறுவர்கள் – காவல்துறையில் வழக்குப்பதிவு!
