ஆஸ்திரேலிய டி20, ஒருநாள் அணிகளின் கேப்டன் ஆரோன் ஃபிஞ்ச், ஒருநாள் கிரிக்கெட்டிலிருந்து ஓய்வு பெறுவதாக கூறியுள்ளார்.
ஆஸ்திரேலிய டி20, ஒருநாள் அணிகளின் கேப்டன் ஆரோன் ஃபிஞ்சிற்கு தற்போது 35 வயதாகிறது. இவர் ஆஸ்திரேலிய அணிக்காக 2011 முதல் 5 டெஸ்டுகள், 145 ஒருநாள், 92 டி20 ஆட்டங்களில் விளையாடியுள்ளார்.
இந்நிலையில், இவர் தான் ஒருநாள் கிரிக்கெட்டிலிருந்து ஓய்வு பெறுவதாக அறிவித்துள்ளார். ஒருநாள் கிரிக்கெட்டில் இந்த வருடம் 13 ஆட்டங்களில் விளையாடி 1 அரை சதத்துடன் 169 ரன்கள் மட்டுமே எடுத்துள்ளார் ஃபிஞ்ச். கடந்த 12 இன்னிங்ஸில் 5 முறை டக் அவுட் ஆகியுள்ளார். கடைசி 7 இன்னிங்ஸில் 26 ரன்கள் மட்டுமே எடுத்துள்ளார். இதன் காரணமாக அவர் இந்த முடிவை எடுத்துள்ளதாக கூறப்படுகிறது.
ஆஸ்திரேலிய அணி நியூசிலாந்துக்கு எதிரான ஒருநாள் தொடரில் தற்போது விளையாடி வருகிறது. இத்தொடரில் 2-0 என முன்னிலை பெற்று ஆஸ்திரேலிய அணி தொடரை வென்றுள்ளது. இந்நிலையில் நாளை நடைபெறவுள்ள நியூசிலாந்துக்கு எதிரான கடைசி ஒருநாள் ஆட்டத்துடன் ஆரோன் ஃபிஞ்ச் ஓய்வுபெறுகிறார்.