இங்கிலாந்து மற்றும் ஈரானுக்கு இடையேயான ஆட்டத்தில் 6-2 என்ற கோல் கணக்கில் இங்கிலாந்து வெற்றி பெற்றது.
கத்தாரில் நடப்பாண்டிற்கான கால்பந்து உலகக் கோப்பை போட்டி நடைபெற்று வருகிறது. இந்தப் போட்டியின் இரண்டாவது ஆட்டத்தில் இங்கிலாந்து மற்றும் ஈரான் அணிகள் நேற்று (21-11-2022) மோதின. தோஹாவில் உள்ள காலிஃபா மைதானத்தில் இந்த ஆட்டமானது நடைபெற்றது.
ஆட்டம் தொடங்கியது முதலே இங்கிலாந்து அணியினர் சிறப்பாக விளையாடி வந்தனர். அதனின் வெளிப்பாடாக, ஆட்டத்தின் 35-ஆவது நிமிடத்தில் இங்கிலாந்து அணி தனது முதல் கோலை பதிவு செய்தது. இந்த கோலை லூக் ஷாவிடம் இருந்து பந்தைப் பெற்று ஜூட் கோல் போஸ்ட்டுக்குள் அடித்தார்.
இதைத்தொடர்ந்து, 43-ஆவது நிமிடத்தில் மாகிர் உதவியுடன் புகாயோ சகா அடித்த கோலால் இங்கிலாந்து 2-0 என முன்னேறியது. அடுத்ததாக ஹாரி கேன் கிராஸ் வழங்கிய பந்தை ரஹிம் ஸ்டெர்லிங் ஸ்கோர் செய்ய, முதல் பாதி முடிவில் இங்கிலாந்து 3-0 என முன்னிலையில் இருந்தது.
மேலும், ஆட்டத்தின் 62-ஆவது நிமிடத்தில் புகாயோ சகா, ஸ்டெர்லிங் உதவியுடன் தனது 2-ஆவது கோலை பதிவு செய்தார். மனம் தளராத ஈரான் ஆட்டத்தின் 65-ஆவது நிமிடத்தில் தனது முதல் கோலை பதிவு செய்தது. இந்த கோலை மெஹதி தரேமி அடித்தார்.
இருப்பினும், இங்கிலாந்து 71-ஆவது நிமிடத்தில், ஹாரி கேன் உதவியுடன் மார்கஸ் ராஷ்ஃபோர்டு அடித்த கோலால் 5-1 என முன்னேறியது. அந்த அணியின் ஜேக் கிரேலிஷ் 90-ஆவது நிமிஷத்தில் கோலடிக்க, அணியின் கோல் எண்ணிக்கை 6 ஆனது. இங்கிலாந்து அணியின் பக்கம் முழுமையாக ஆட்டம் நகர்ந்துவிட்டது.
இறுதியாக, ஈரானுக்கு கிடைத்த பெனால்டி கிக் வாய்ப்பை தவறவிடாமல் மெஹதி தரேமி கோலடிக்க, ஆட்டம் 6-2 என்ற கோல் கணக்கில் நிறைவடைந்தது. இங்கிலாந்து அணி 6-2 என்ற கோல் கணக்கில் வெற்றி பெற்றது.
கால்பந்து உலகக் கோப்பை; கத்தார் அணியை வீழ்த்திய ஈகுவடார்
