திருப்பூர் மாவட்டத்தைச் சேர்ந்த சிற்பி ஒருவர் கருங்கல்லில் தலைக்கவசம் ஒன்றை செய்து அசத்தியுள்ளார்.
தமிழகத்தில் தற்போது போக்குவரத்து விதிமீறல்களுக்கு கடுமையான அபாரதங்கள் விதிக்கப்படுகின்றன. இந்நிலையிலும் சிலர் தலைக்கவசம் அணியாமல் செல்கின்றனர். இதனிடையே இதுகுறித்த விழிப்புணர்வை ஏற்படுத்த சிற்பி ஒருவர் கருங்கல்லில் தலைக்கவசம் ஒன்றை செய்துள்ளார்.
திருப்பூர் மாவட்டம், அவிநாசியில் சிற்பக்கலைக் கூடத்தை நடத்தி வருபவர் சரவணன். இவருக்கு வயது 32 ஆகும். இவர் பல்வேறு சிற்பங்களை வடிவமைக்கும் சிற்பி ஆவார்.
இந்நிலையில், கடந்த மூன்று மாத காலமாக ஒரே கருங்கல்லை செத்துக்கி அதில், தலைக்கவசத்தை உருவாக்கியுள்ளார். இந்த தலைக்கவசத்தின் எடை 8 கிலோ ஆகும்.
இதுகுறித்து, சிற்பியான சரவணன் கூறுகையில், இரு சக்கர வாகனங்களில் செல்லும் பலர் தலைக்கவசம் அணியாமல் செல்கின்றனர் என்றும் அதே சமயத்தில் போக்குவரத்து விதிமீறல்கள் சமயத்திலும் பலர் தலைக்கவசத்தை அணியாமல் இருப்பதால், இது குறித்த விழிப்புணர்வை ஏற்படுத்துவதற்காக இவ்வாறாக கருங்கல்லில் தலைக்கவசத்தை உருவாக்கியதாக தெரிவித்துள்ளார்.
சிற்பியான சரவணன், கொரோனா காலகட்டத்தில் கொரோனா பொம்மை, சானிடைசர், முக கவசம் உள்ளிட்ட பொருள்களை கற்களால் செத்துக்கி பொதுமக்களுக்கு விழிப்புணர்வை ஏற்படுத்தியது குறிப்பிடத்தக்கது.
இதையும் படிங்க: ‘GPay’ நம்பர் கொடுங்க ? எலான் மஸ்க்கை ‘வச்சு செஞ்ச’ சிபி சத்யராஜ் – வைரல் ட்விட்
