விஜய் நடிப்பில் உருவாகியுள்ள வாரிசு திரைப்படத்தில் நடிகர் சிம்பு ஒரு பாடலை பாடியுள்ளதாக தகவல் வெளிவந்துள்ளது.
நடிகர் விஜய் நடிப்பில் உருவாகியுள்ள திரைப்படம்தான், வாரிசு. ராஷ்மிகா, சரத்குமார், பிரகாஷ் ராஜ், குஷ்பு, ஷ்யாம் உட்பட பெரும் நட்சத்திர பட்டாளங்களே நடித்திருக்கும் இத்திரைப்படத்தை, பிரபல இயக்குநர் வம்சி இயக்குகிறார். தெலுங்கு தயாரிப்பாளர் தில் ராஜூ தயாரிக்கிறார்.
வாரிசு திரைப்படம் வருகிற பொங்கலன்று வெளியாகவுள்ளதாக அறிவிக்கப்பட்டுள்ளது. இதைத்தொடர்ந்து, திரைப்பட பணிகள் தீவிரப்படுத்தப்பட்டுள்ளன. தமன் இசையில் உருவாகிவரும், வாரிசு திரைப்படத்திலிருந்து சமீபத்தில் ‘ரஞ்சிதமே’ பாடல் வெளிவந்து யூடியூப் தளத்திலும், ரீல்ஸ்களிலும் தொடர்ந்து ட்ரெண்டிங்கில் உள்ளது.
இதைத்தொடர்ந்து, வாரிசு திரைப்படத்தின் அடுத்தப் பாடல் குறித்த கேள்விகள் இணையத்தில் தொடர்ந்து எழுந்த வண்ணம் உள்ளன. இந்நிலையில், வாரிசு திரைப்படத்தின் இரண்டாம் பாடல் வருகிற டிசம்பர் 24-ஆம் தேதி வெளியாக உள்ளதாகவும், பிரபல நடிகர் சிம்பு, அப்பாடலை பாடியுள்ளதாகவும் தகவல் வெளிவந்துள்ளது.
நடிகர் சிம்பு இசையமைப்பாளர் தமனுக்கும், நடிகர் விஜய்க்கும் நெருக்கமானவர் என்பதால் இந்த தகவல் உண்மையாக இருக்க அநேக வாய்ப்புகள் இருப்பதாக சினிமா வட்டாரங்கள் தெரிவித்துள்ளன. இத்தகவலால் ரசிகர்கள் குஷியில் உள்ளனர். நடிகர் சிம்பு தன் திரைப்படங்களில் மட்டுமல்லாது, பிறர் திரைப்படங்களில் தொடர்ந்து பாடி வருவது குறிப்பிடத்தக்கது.
மீண்டும் ரிலீஸாகும் ‘லவ்-டுடே’…கல்லாக்கட்டுமா?
