நடிகர் விஜய் மற்றும் இயக்குநர் லோகேஷ் கனகராஜ் இணையும் திரைப்படம் குறித்த அதிகாரப்பூர்வ தகவல்கள் தற்போது வெளிவந்துள்ளது.
நடிகர் விஜய்யின் நடிப்பில் கடந்த 11-ஆம் தேதி வெளிவந்த வாரிசு திரைப்படம் ரசிகர்களிடையே கலவையான விமர்சனங்கள் பெற்று வருகிறது. அதேநேரம், திரைப்படத்தின் வசூல் என்பது அபரிவிதமாக உள்ளது.
இதைத்தொடர்ந்து, விஜய்யின் 67-ஆவது படத்தில் மாஸ்டர் திரைப்படத்தின் வெற்றிக்குப் பிறகு நடிகர் விஜய் மற்றும் இயக்குநர் லோகேஷ் கனகராஜ் இருவரும் இணையவுள்ளதாக தகவல்கள் வெளிவந்தது. படப்பிடிப்பு ஆரம்பித்ததாகவும் தகவல்கள் வந்தன.
இருப்பினும், அதிகாரப்பூர்வ அறிவிப்பு எதுவும் வெளிவராமல் இருந்தது. இந்நிலையில், தற்போது விஜய்யின் 67-ஆவது படம் குறித்த அதிகார்ப்பூர்வ அறிவிப்புகள் வெளிவந்துள்ளன.
அதன்படி, மாஸ்டர் திரைப்படத்திற்கு பிறகு நடிகர் விஜய்யுடன், லோகேஷ் கனகராஜ் இணைகிறார். மேலும், இத்திரைப்படத்தை 7 ஸ்கீரின் ஸ்டூடியோஸ் தயாரிக்கிறது. இத்திரைப்படத்திற்கு தற்காலிகமாக ‘தளபதி -67’ என்று பெயரிடப்பட்டுள்ளது.
இதைத்தொடர்ந்து, ‘தளபதி -67’ படத்தின் தொழில்நுட்ப கலைஞர்கள் குறித்தும் படக்குழு தகவல்களை வெளியிட்டுள்ளது. மனோஜ் பரமஹம்சா ஒளிப்பதிவாளராகவும், தினேஷ் நடன இயக்குநராகவும், அன்பு, அறிவு சண்டைப் பயிற்சியாளர்களாகவும் இப்படத்தில் பணியாற்றுகின்றனர்.
இத்துடன், கத்தி, மாஸ்டர், பீஸ்ட் போன்ற திரைப்படங்களுக்குப் பிறகு நான்காவது முறையாக மீண்டும் ‘தளபதி -67’ மூலம் இசையமைப்பாளர் அனிரூத் நடிகர் விஜய்யுடன் இணையவுள்ளார்.
மேலும், லோகேஷ் கனகராஜ் தனது ட்விட்டர் பக்கத்தில் விஜய் அண்ணுடன் மீண்டும் இணைவதில் மட்டற்ற மகிழ்ச்சி அடைவதாக குறிப்பிட்டுள்ளார்.
Good evening guys! More than happy to join hands with @actorvijay na once again ❤️ 🔥#Thalapathy67 🤜🏻🤛🏻 pic.twitter.com/4op68OjcPi
— Lokesh Kanagaraj (@Dir_Lokesh) January 30, 2023
‘தளபதி-67’ திரைப்படத்தின் படப்பிடிப்பு கடந்த 2-ஆம் தேதியிலிருந்து நடைபெற்று வருவதாக தயாரிப்பு நிறுவனம் சார்பில் தெரிவிக்கப்பட்டுள்ளது குறிப்பிடத்தக்கது.
கண்ணாமூச்சி விளையாடி 2,300 மைல்கள் தூரம் சென்ற 15 வயது சிறுவன்