பதான் உலகளவில் இதுவரை ரூ.800 கோடி வசூல் செய்துள்ளதாக தெரிவிக்கப்பட்டுள்ளது. அதேநேரம், பதான் இந்தியில் மட்டுமே இதுவரை ரூ.436 கோடியை வசூல் செய்துள்ளது.
நடிகர் ஷாருக்கான் நடிப்பில் கடந்த 2018-ஆம் ஆண்டு ஜீரோ என்ற திரைப்படம் வெளியாகியது. இத்திரைப்படம் ரசிகர்கள் மற்றும் விமர்சர்களிடையே கலவையான விமர்சனத்தைப் பெற்றது. இதைத்தொடர்ந்து, கடந்த 4 ஆண்டுகளாக ஷாருக்கான் நடிப்பில் திரைப்படங்கள் ஏதும் வெளியாகாமல் இருந்தது. இருப்பினும், கடந்த ஆண்டு ரன்பீர் கபூர் நடித்த பிரம்மாஸ்திரா திரைப்படத்தில் ஷாருக்கான் சிறப்பு தோற்றத்தில் நடித்திருந்தார்.
இந்நிலையில், 4 ஆண்டுகளுக்குப் பிறகு ஷாருக்கான் நடிப்பில் பதான் என்ற திரைப்படம் கடந்த ஜனவரி 25-ஆம் தேதி வெளியாகியது. இத்திரைப்படத்தில் தீபிகா படுகோனே, ஜான் ஆபிரகாம் ஆகியோர் ஷாருக்கானுடன் இணைந்து நடித்துள்ளனர். மேலும், சித்தார்த் ஆனந்த் இயக்கத்தில் உருவாகியுள்ள இத்திரைப்படமானது யாஷ் ராஜ் பிலிம்ஸின் 50-ஆவது படமாகும்.
பெரிய எதிர்பார்ப்புகளுக்கு மத்தியில் வெளியான பதான் திரைப்படத்தின் வசூல் குறித்த தகவல்கள் தற்போது வெளிவந்துள்ளது. அதன்படி, பதான் உலகளவில் இதுவரை ரூ.800 கோடி வசூல் செய்துள்ளதாக தெரிவிக்கப்பட்டுள்ளது. அதேநேரம், பதான் இந்தியில் மட்டுமே இதுவரை ரூ.436 கோடியை வசூல் செய்துள்ளது.
முன்னதாக, கேஜிஎஃப்-2 படம் இந்தியில் மட்டுமே ரூ.432 கோடியை வசூல் செய்தது. இந்நிலையில், பதான் அந்த வசூலை முறியடித்து சாதனை படைத்துள்ளது.
இந்தியா vs ஆஸ்திரேலியா: முடிந்த முதல் நாள் ஆட்டம்… சதமடிப்பாரா ரோஹித் சர்மா?
