இந்திய கிரிக்கெட் வீரர் பும்ரா ஐபிஎல் தொடரில் பங்கேற்க மாட்டார் என்று தகவல்கள் வெளிவந்துள்ளது.
இந்திய கிரிக்கெட் அணியின் நட்சத்திர பந்துவீச்சாளர், பும்ரா. 29 வயதாகும் இவர் இதுவரையில் இந்தியாவுக்காக 30 டெஸ்டுகள், 72 ஒருநாள், 60 இருபது ஓவர் ஆட்டங்களில் விளையாடியுள்ளார்.
முதுகில் ஏற்பட்ட காயம் காரணமாக இந்திய அணியில் கடந்த ஆண்டு செப்டம்பர் முதல் பும்ரா இடம்பெறவில்லை. இதன்பிறகு, பெங்களூரில் உள்ள நேஷனல் கிரிக்கெட் அகாதெமியில் சிகிச்சையும் பயிற்சியும் பெற்று வந்த பும்ரா, முழு உடற்தகுதியை அடைந்துள்ளதாக கூறப்பட்டது.
இதனால், இலங்கைக்கு எதிரான ஒருநாள் தொடரில் விளையாடும் இந்திய அணியில் பும்ரா சேர்க்கப்பட்டார். பின்னர் உடல்நிலை முழுத் தகுதியை அடையவில்லை எனக்கூறி இலங்கை மற்றும் ஆஸ்திரேலிய தொடர்களில் பும்ரா சேர்க்கப்படவில்லை.
இந்நிலையில், இந்த ஆண்டு நடைபெறவுள்ள ஐபிஎல் தொடரிலும் பும்ரா பங்கேற்க மாட்டார் என்ற தகவல்கள் வெளிவந்துள்ளது. இதனால் பும்ரா விளையாடும் மும்பை அணிக்கு இது பின்னடைவாக அமையும் என்று எதிர்பார்க்கப்படுகிறது.
மேலும், இந்த ஆண்டுக்கான ஐபிஎல் தொடர் வருகிற மார்ச் 31-ஆம் தேதி தொடங்கி மே 21-ஆம் தேதி நிறைவடைகிறது.
உறவினரின் திருமண வரவேற்பு நிகழ்ச்சியில் நடனமாடிய இளைஞருக்கு நேர்ந்த சோகம்