வங்கதேசத்துக்கு எதிரான இரண்டாவது ஒருநாள் போட்டியில் இந்திய அணி நாளை விளையாடவுள்ளது.
இந்திய கிரிக்கெட் அணி வங்கதேசத்தில் சுற்றுப்பயணம் மேற்கொண்டுள்ளது. இந்த சுற்றுப்பயணத்தில், 3 ஒருநாள் போட்டிகள் கொண்ட தொடரும், 2 டெஸ்ட் போட்டிகள் கொண்ட தொடரும் நடைபெறவுள்ளது.
இந்தச் சுற்றுப்பயணத்தில் கடந்த நான்காம் தேதி இந்தியா மற்றும் வங்கதேசத்துக்கு இடையேயான முதலாவது ஒருநாள் போட்டி நடைபெற்றது. இந்தப் போட்டியில், இந்திய அணி ஒரு விக்கெட் வித்தியாசத்தில் வங்கதேச அணியிடம் தோல்வியைத் தழுவியது. இதன் மூலம் வங்கதேச அணி 1-0 என்ற கணக்கில் முன்னிலையில் உள்ளது. இதனால், நாளை நடைபெறவுள்ள போட்டியில் இந்திய அணி வென்றாக வேண்டிய கட்டாயத்தில் உள்ளது.
இந்திய அணியின் பேட்டிங் சொதப்பியதே, தோல்விக்கு காரணம் என தெரிவிக்கப்பட்டது. இந்நிலையில், நாளை வங்கதேசத்திற்கு எதிரான இரண்டாவது ஒருநாள் போட்டியில் இந்திய அணி விளையாட உள்ளது.
இந்த போட்டியானது டக்காவில் ஶ்ரீ பங்ளா நேஷனல் ஸ்டேடியத்தில் நாளை 12 மணியளவில் தொடங்கவுள்ளது.
இந்திய அணி:
ரோஹித் ஷர்மா (கேப்டன்), ஷிகர் தவான், விராட் கோலி, ஷ்ரேயாஸ் ஐயர், கே.எல். ராகுல் (வி.கீ), வாஷிங்டன் சுந்தர், ஷாபாஸ் அகமது, ஷர்துல் தாக்கூர், தீபக் சாஹர், முகமது சிராஜ், குல்தீப் சென், உம்ரான் மாலிக், ரஜத் படிதார், இஷான் கிஷன், ராகுல் திரிபாதி , அக்சர் படேல்
வங்கதேச அணி:
நஜ்முல் ஹொசைன் சாண்டோ, யாசிர் அலி, ஷாகிப் அல் ஹசன், மஹ்முதுல்லா, மெஹிதி ஹசன் மிராஸ், அபிஃப் ஹொசைன் துருபோ, எபடோட் ஹொசைன், அனாமுல் ஹக், லிட்டன் தாஸ்(கேப்டன்), முஷ்பிகுர் ரஹீம் ( விக்கெட் கீப்பர்) நூர் ஹசன், முஸ்தாபிசுர் ரஹ்மான், நசும் அகமது மற்றும் தஸ்கின் அகமது.
தனுஷ் உடன் இணைந்த சூப்பர்ஸ்டார்…வெளிவந்த கேப்டன் மில்லர் ரகசியம்…
