ஆஸ்திரேலியாவுக்கு எதிரான டெஸ்ட் தொடர் வருகிற 9-ஆம் தேதி தொடங்கவுள்ள நிலையில் இந்திய வீரர்கள் தங்களுடைய பயிற்சியைத் தொடங்கியுள்ளார்கள்.
நியூசிலாந்து அணி இந்தியாவுக்கு சுற்றுப்பயணம் செய்து விளையாடியது. இந்தச் சுற்றுப்பயணத்தில் நடைபெற்ற ஒருநாள் தொடரையும், இருபது ஓவர் தொடரையும் இந்திய அணி கைப்பற்றியது.
இதைத்தொடர்ந்து, ஆஸ்திரேலியா அணி இந்தியாவில் சுற்றுப்பயணம் மேற்கொண்டு, 4 டெஸ்டுகள், 3 ஒருநாள் போட்டிகளில் விளையாடுகிறது. இதில், டெஸ்ட் தொடர், வருகிற பிப்ரவரி 9 ஆம் தேதி முதல் தொடங்குகிறது. மேலும், டெஸ்ட் தொடரின் முதல் டெஸ்ட் போட்டி நாகபுரியில் நடைபெறுகிறது.
இதை முன்னிட்டு, பெங்களூரில் ஆரம்பக்கட்டப் பயிற்சிகளை மேற்கொண்டு வருகிறது ஆஸ்திரேலிய அணி. இப்போட்டியில் அஸ்வினைப் போல பந்துவீச்சு முறையைக் கொண்டுள்ள குஜராத்தைச் சேர்ந்த 21 வயது மஹீஸை வலைப்பயிற்சியில் ஆஸ்திரேலிய அணி ஈடுபடுத்தியுள்ளார்கள்.
#TeamIndia have begun their preparations for the Border Gavaskar Trophy ahead of the 1st Test in Nagpur.#INDvAUS pic.twitter.com/21NlHzLwGA
— BCCI (@BCCI) February 3, 2023
இந்நிலையில் இந்திய வீரர்கள் நாகபுரியில் இன்று வலைப்பயிற்சியைத் தொடங்கியுள்ளார்கள். இதற்கான புகைப்படங்களை பிசிசிஐ வெளியிட்டுள்ளது.
அவளை கண்ட கல்லுக்கே இந்த நிலைமையா? – சீதா ராமம் பாடல் ஒரு பார்வை