நடிகர் விஜயின் பிறந்தநாள் இந்த மாதம் 22ம் தேதி கொண்டாடும் விதமாக தனது முதுகில் விஜயின் முகத்தை ரசிகர் ஒருவர் பெரிய டாட்டூவாக வரைந்துள்ளார்.
திரைப்பட நடிகர், பாடகர் என பன்முகத்திறன் வாய்ந்தவர் விஜய். தனது நடிப்பால் குழந்தைகள் முதல் பெரியவர்கள் வரை கவர்ந்துள்ளவர். தனது ரசிகர்களால் அன்பாய் தளபதி விஜய் என அழைக்கப்படும் திரைப்பட நடிகர் விஜய் அவர்களின் பிறந்த நாள் வருகிற 22ம்தேதி கொண்டாடப்பட உள்ளது. விஜயின் பிறந்தநாளை கேக் வெட்டியும், மக்களுக்கு நலத்திட்டங்கள் வழங்கியும் கொணடாட ரசிகர்கள் தயாராகி வருகின்றனர்.
சேலத்தைச் சேர்ந்த விஜயின் தீவிர ரசிகரான ராஜ்பாரதி, நடிகர் விஜயின் பிறந்த நாளினைக் கொண்டாட, பிரபல டாட்டூஸ் டிசைனரின் கைவண்ணத்தில் தனது முதுகில் நடிகர் விஜயின் முகத்தினை பெரிய அளவில் பச்சை குத்தி பிறந்தநாள் வாழ்த்துக்களை தெரிவித்துள்ளார்.
இந்த டாட்டூ வரைவதற்கு 16மணிநேரம் எடுத்துக் கொண்டதாகவும், இந்த டாட்டூவை வரைந்து கொண்டதன் மூலம் நிச்சயம் விஜயை நேரில் சந்திக்கும் நீண்டநாள் கனவும் நனவாகக்கூடும் என்று நம்பிக்கையுடன் இருப்பதாகவும் கூறினார்.
தமிழக பள்ளிகளில் இவ்வளவு காலியிடங்களா? ; புள்ளி விவரங்களுடன் அன்புமணி ராமதாஸ் அறிக்கை!