வாரிசு திரைப்படத்தில் இடம்பெற்ற ‘தீ தளபதி’ பாடலின் வீடியோ தற்போது யூடியூப் தளத்தில் அதிகாரப்பூர்வமாக வெளியிடப்பட்டுள்ளது.
இயக்குநர் வம்சி இயக்கத்தில் நடிகர் விஜய் நடித்து கடந்த ஜனவரி 11-ஆம் தேதி வெளிவந்த திரைப்படம்தான், வாரிசு. தில் ராஜூ தயாரித்திருந்த இத்திரைப்படத்திற்கு தமன் இசையமைத்திருந்தார். பெரும் எதிர்பார்ப்புகளுக்கு மத்தியில் வெளியான வாரிசு கலவையான விமர்சனங்களையே சந்தித்தது.
இருப்பினும், வாரிசு திரைப்படத்தின் வசூல் துளியும் பாதிக்கப்படவில்லை என்று சினிமா வட்டாரங்கள் தெரிவிக்கின்றன. அதன்படி, வாரிசு திரைப்படம் ரீலிஸாகி 11 நாளில் உலகம் முழுவதும் 250 கோடி வசூல் செய்துள்ளதாக அதிகாரப்பூர்வமாக அறிவிக்கப்பட்டுள்ளது. மேலும், தற்போது 300 கோடி வசூலை வாரிசு திரைப்படம் நெருங்கிக்கொண்டிருக்கிறது.
இந்நிலையில், வாரிசு திரைப்படத்தில் இடம்பெற்ற ‘தீ தளபதி’ பாடலின் வீடியோ தற்போது யூடியூப் தளத்தில் அதிகாரப்பூர்வமாக வெளியிடப்பட்டுள்ளது. இப்பாடலை நடிகர் சிம்பு பாடியிருந்தார்.
தீ தளபதி பாடல், படம் ரிலீஸாகும் முன்பு வெளியாகிய நேரத்திலே இப்பாடலுக்கு ரசிகர்களிடம் அமோக வரவேற்பு கிடைத்தது. தற்போது, வீடியோ வடிவில் வெளியாகிய இப்பாடலும் நல்ல வரவேற்பை பெற்று வருகிறது.
மீண்டும் ஆட்டக்களத்தில் ஜடேஜா; குஷியில் ரசிகர்கள்!
