சமூக ஆர்வலர் ஒருவரே அவரது தாயாரை இன்னலுக்கு உள்ளாக்கிய சம்பவம் கேரளாவில் அதிர்ச்சியை ஏற்படுத்தியுள்ளது.
ரெகானா பாத்திமா – கேரளாவை சேர்ந்த சமூக ஆர்வலர். இவர் சபரிமலையில் இளம் பெண்களை அனுமதிக்கக்கூடாது என பக்தர்கள் போராட்டம் நடத்தியபோது, கோவிலுக்குள் சென்றார். இந்நிகழ்வு சர்ச்சையை ஏற்படுத்தியதோடு, இவரை பிரபலமாக்கவும் செய்தது. இதுமட்டுமல்லாமல், மாட்டிறைச்சி குறித்து சமூக ஊடகங்களில் காணொளி வெளியிட்டு பரபரப்பை ஏற்படுத்தினார்.
இதனால், ரெகானா பாத்திமா கேரளாவில் சற்றே பிரபலமானவராகத்தான் அறியப்படுகிறார். இந்நிலையில், ரெகானா பாத்திமாவின் தாயார் பியாரி ஆலப்புழா வடக்கு காவல்துறையில் நேற்று ஒரு புகார் கொடுத்தார். அதில், தனது மகள் வீட்டில் தங்கி இருந்தபோது தன்னை அவர் மனரீதியாகவும், உடல் ரீதியாகவும் சித்ரவதை செய்ததாக கூறியிருந்தார்.
மேலும், இதனால் அவரது வீட்டில் இருந்து வெளியேறி உறவினர் வீட்டில் கடந்த 2 மாதமாக தங்கி இருப்பதாகவும், தனது உறவினர்களை ரெகானா பாத்திமா மிரட்டுவதாகவும் கூறியிருந்தார். இதன் பிறகு, ரெகானா பாத்திமாவை காவல்துறை நேரில் காவல் நிலையத்திற்கு அழைத்து, அம்மாவிடம் நன்முறையில் நடந்துக்கொள்ள வேண்டுமென எச்சரித்துள்ளனர்.
சமூக ஆர்வலர் ஒருவரே அவரது தாயாரை இன்னலுக்கு உள்ளாக்கிய சம்பவம் அங்கு கேரளாவில் அதிகம் பேசப்பட்டு வருகிறது.
இதையும் படிங்க: 2024-க்குள் அனைத்து மாநிலங்களிலும் என்.ஐ.ஏ கிளை! மத்திய அரசின் அடுத்த அதிரடி திட்டம்
