இருபது ஓவர் உலகக் கோப்பை போட்டியின் அரையிறுதிப் போட்டிகள் விரைவில் நடைபெறவுள்ளதால் ரசிகர்கள் எதிர்பார்ப்புடன் உள்ளனர்.
ஆஸ்திரேலியாவில் 2022-ம் ஆண்டுக்கான இருபது ஓவர் உலகக் கோப்பை நடைபெற்று வருகிறது. அக்டோபர் 16-ம் தேதி ஆரம்பித்த உலகக் கோப்பை தற்போது இறுதிக்கட்டத்தை எட்டியுள்ளது. ‘சூப்பர் 12’ சுற்றுகள் அனைத்தும் முடிந்து, தற்போது அரையிறுதிக்கான போட்டிகள் நடைபெறவுள்ளது. 14 அணிகளுடன் ஆரம்பித்த உலகக்கோப்பை, 4 அணிகளுடன் தற்போது உள்ளது.
குரூப் ஓன்றிலிருந்து இங்கிலாந்து மற்றும் நீயூசிலாந்து அணிகளும், குரூப் இரண்டிலிருந்து இந்தியா மற்றும் பாகிஸ்தான் அணிகளும் அரையிறுதிப் போட்டிக்கு தகுதிப்பெற்றுள்ளன.
இந்நிலையில், நவம்பர் 9-ம் தேதி நியூசிலாந்து மற்றும் பாகிஸ்தானுக்கு இடையேயான முதலாவது அரையிறுதிப் போட்டி சிட்னி மைதானத்தில் மதியம் 1.30 மணியளவில் தொடங்கவுள்ளது.
இதைத்தொடர்ந்து, இந்தியா மற்றும் இங்கிலாந்து அணிகளுக்கு இடையேயான இரண்டாவது அரையிறுதிப்போட்டி அடிலெய்ட் மைதானத்தில் நவம்பர் 13-ம் தேதி மதியம் 1.30 மணியளவில் நடைபெறவுள்ளது.
எந்த அணிகள் இறுதிப்போட்டிக்கு தகுதிப்பெறும் என்று ரசிகர்கள் ஆவலோடு காத்திருக்கின்றனர். இந்திய அணியை பொறுத்தவரையில் இங்கிலாந்து அணியை எதிர்கொள்ள தீவிரமாக பயிற்சியில் ஈடுபட்டு வருகின்றனர்.
இதையும் படிங்க:ஜிம்பாப்வே அணியை பொட்டலம் கட்டி அரையிறுதிக்குள் நுழைந்த இந்தியா..
