இந்தியாவில் கடந்த 24 மணி நேரத்தில் புதிதாக 16,135 பேருக்கு கொரோனா தொற்று கண்டறியப்பட்டுள்ளது.
இது தொடர்பாக மத்திய சுகாதார அமைச்சகம் வெளியிட்டுள்ள தகவலின் அடிப்படையில், இந்தியாவில் கடந்த 24 மணி நேரத்தில் 16,135 பேருக்கு தொற்று உறுதியாகியுள்ளது. இதனால், இதுவரை தொற்று பாதித்தவர்களின் எண்ணிக்கை 4,35,18,564 ஆக அதிகரித்துள்ளது. கடந்த 24 மணி நேரத்தில் கொரோனோ தொற்று காரணமாக 24 பேர் உயிரிழந்தனர்.
இதன்மூலம், இதுவரை தொற்றால் உயிரிழந்தவர்களின் எண்ணிக்கை 5,22,223 ஆக உயர்ந்துள்ளது. அதேபோல், கடந்த 24 மணி நேரத்தில் கொரோனா தொற்றிலிருந்து 13,958 பேர் குணமடைந்துள்ளனர். இதன்மூலம் குணமடைந்தவர்களின் மொத்த எண்ணிக்கை 4,28,79,477 ஆக உயர்ந்துள்ளது. மேலும் இந்தியாவில் கடந்த 24 மணி நேரத்தில் மட்டும் 1,78,383 பேருக்கு கொரோனா தடுப்பூசி செலுத்தப்பட்டுள்ளது.
இதனிடையே தமிழகத்தில் கொரோனா தொற்று எண்ணிக்கை அதிகரித்து வருவதால், சென்னையில் முகக் கவசம் கட்டாயம் என்று சென்னை மாநகராட்சி உத்தரவிட்டுள்ளது.
மேலும், கொரோனா வழிகாட்டு நெறிமுறைகளை வணிக நிறுவனங்கள் கட்டாயம் கடைபிடிக்க வேண்டும் எனவும் தெரிவித்துள்ளது. வணிக வளாகங்கள் மட்டுமின்றி, திரையரங்குகள், துணிக்கடை ஊழியர்கள், வாடிக்கையாளர்கள் என அனைவரும் முகக் கவசம் அணிய வேண்டும் என்றும் சென்னை மாநகராட்சி அறிவித்துள்ளது.
