விஜய் நடிப்பில் பொங்கலுக்கு வெளியாகவுள்ள வாரிசு திரைப்படத்திலிருந்து மூன்றாவது பாடல் இன்று வெளியாகவுள்ளது.
நடிகர் விஜய் நடிப்பில் வெளியீட்டுக்கு தயாராகவுள்ள திரைப்படம்தான், வாரிசு. தெலுங்கு இயக்குநர் வம்சி பைடிபல்லி இயக்கும் இப்படத்தை தெலுங்கு தயாரிப்பாளர் தில் ராஜூ தயாரிக்கிறார். இசையமைப்பாளர் தமன் இப்படத்துக்கு இசையமைத்துள்ளார்.
வாரிசு பொங்கலுக்கு வெளியாகவுள்ளதால், படக்குழு புரோமஷன் திட்டங்களை கொஞ்சம் கொஞ்சமாக செயல்படுத்தி வருகிறது. இந்நிலையில், வாரிசு திரைப்படத்தின் இசைவெளியீட்டு விழா வருகிற 24-ஆம் தேதி சென்னையில் கோலகலமாக நடைபெறவுள்ளதாக தகவல்கள் வெளிவந்துள்ளது.
வாரிசு படத்தின் பாடல்களை பொறுத்தவரையில், முதற்கட்டமாக விஜய்யின் குரலில் ரஞ்சிதமே பாடல் வெளியாகியது. இப்பாடலில் விஜய்யுடன் இணைந்து மானசி பாட பாடல் தொடர்ந்து டிரெண்டிங்கில் உள்ளது. இதைத்தொடர்ந்து நடிகர் சிலம்பரசன் குரலில் வெளிவந்த ‘தீ தளபதி’ பாடல் பெரும் வரவேற்பை பெற்றது. இப்பாடலுக்கான சிலம்பரசனின் வீடியோ பெரிதும் பேசப்பட்டது. தொடர்ந்து வெளிவந்த இரு பாடல்களுமே கொண்டாட்ட ரகத்தை சேர்ந்தவையாகவே இருந்தன.
இந்நிலையில், மெலோடி பாடல் எதுவும் வாரிசு திரைப்படத்தில் இருக்கிறதா என்று ரசிகர்கள் தொடர்ந்து கேட்ட வண்ணம் இருந்தனர். அதற்கு பதில் தரும் வகையில் படக்குழு இன்று மாலை 5.00 மணியளவில் மெலோடி பாடல் ஒன்றை வெளியிட உள்ளதாக அறிவித்துள்ளது.
மேலும், அம்மா சார்ந்த பாடல் இதுவென்றும் படக்குழு தெரிவித்துள்ளது. ‘தேங்க்யூ அம்மா’ என்ற தலைப்பையே பாடலும் கொண்டுள்ளது. பாடலாசிரியர் விவேக் வரியில் பாடகி சித்ரா இப்பாடலை பாடியுள்ளதாகவும் தகவல்கள் தெரிவிக்கின்றன. பல திரைப்படங்களுக்குப் பிறகு விஜய்யின் நடிப்பில் அம்மா சென்டிமென்ட் பாடல் வெளியாகவுள்ளதாக ரசிகர்கள் ஆவலுடன் உள்ளனர். இப்பாடல் வாரிசு திரைப்படத்தில் இருந்து வெளியாகும் மூன்றாவது பாடல் என்பது குறிப்பிடத்தக்கது.
நயன்தாரா நடிப்பில் உருவாகியுள்ள கனெக்ட் திரைப்படம் குறித்து விக்னேஷ் சிவன் பேச்சு..