குணச்சித்திர நடிகரும், எழுத்தாளருமான இளங்கோ குமரவேலிடம் இருந்து கைப்பேசி பறிக்கப்பட்டுள்ளது.
அபியும் நானும் திரைப்படத்தில் முக்கிய கதாப்பாத்திரத்தில் நடித்தவரும், பொன்னியின் செல்வன் திரைப்படத்தின் திரைக்கதை எழுத்தாளர்களில் ஒருவருமானவர், இளங்கோ குமரவேல். 57 வயதாகும் இவர் தற்போது சென்னை அசோக் நகரில் குடும்பத்தினருடன் வசித்து வருகிறார்.
இந்நிலையில், இவர் திரைப்படப் பணிகள் தொடர்பாக எம்.ஆர்.சி நகரில் உள்ள தனியார் விடுதிக்கு சென்றுவிட்டு, கடந்த வியாழக்கிழமை நள்ளிரவு வீட்டுக்கு செல்வதற்காக நடந்து வந்துள்ளார். அப்போது, மோட்டார் சைக்கிளில் வந்த இரு நபர்கள் குமரவேல் வைத்திருந்த விலை உயர்ந்த கைப்பேசியை பறித்துக்கொண்டு ஓடிவிட்டனர். இளங்கோ குமரவேல், அம்பேத்கர் மணிமண்டபம் அருகே வரும்போது இச்சம்பவம் நடைபெற்றுள்ளது.
இதனால், திடுக்கிட்ட இளங்கோ குமரவேல் உடனடியாக பட்டினப்பாக்கம் காவல் நிலையத்திற்கு சென்று புகார் அளித்தார். இதைத்தொடர்ந்து, காவல்துறையினர் வழக்குப் பதிவு செய்து, விசாரணை நடத்தி வருகின்றனர்.
நேரடி நியமனம் மூலம் பணி நியமனம் செய்வதை உடனடியாக கைவிட வேண்டும் – அமைச்சக ஊழியர்கள்
