தோசைக்கும், சப்பாத்திக்கும் நல்ல இணையாக சிக்கன் தொக்கு எப்படி செய்வது என்று பார்ப்போம்.
தேவையான பொருள்கள்:
- சிக்கன்- ½ கிலோ
- வெங்காயம்- 2 எண்
- தக்காளி- 3 எண்
- பட்டை- 2 எண்
- லவங்கம்- 2 எண்
- ஏலக்காய்- 3 எண்
- மிளகாய்த்தூள்- 2 தேக்கரண்டி
- கரமசாலா தூள்- 2 தேக்கரண்டி
- மஞ்சள்- ¼ தேக்கரண்டி
- இஞ்சி, பூண்டு விழுது- 2 தேக்கரண்டி
- தயிர்- 2 மேசைக்கரண்டி
- கருவேப்பில்லை- 2 கொத்து
- மல்லித்தழை- தேவையான அளவு
- உப்பு- தேவையான அளவு
- எண்ணெய்- தேவையான அளவு
செய்முறை:
- சிக்கன் தொக்கிற்கு எலும்பு இல்லாத அரை கிலோ சிக்கனை சுத்தமாக கழுவி ஒரு பாத்திரத்தில் எடுத்துக் கொள்ள வேண்டும்.
- பிறகு அதனுடன், சிறிது உப்பு, மஞ்சள் கால் தேக்கரண்டி, தயிர் 2 மேசைக்கரண்டி, மிளகாய்த்தூள் ஒரு தேக்கரண்டி சேர்த்து நன்றாக கலந்து, ஒரு மணி நேரம் போல் ஊறவைத்து எடுத்து கொள்ள வேண்டும்.
- ஒரு கடாயில், நல்லெண்ணெய் இரண்டு மேசைக்கரண்டி விட்டு, அதில் பட்டை, லவங்கம், ஏலக்காய் சேர்க்க வேண்டும். மேலும் அதனுடன் கருவேப்பில்லை 2 கொத்து உருவி சேர்த்து வதக்க வேண்டும்.
- இதைத்தொடர்ந்து, நறுக்கிய வெங்காயம், தக்காளியை சேர்த்து நன்றாக வதக்க வேண்டும். பிறகு அதில், இஞ்சி பூண்டு விழுதை சேர்த்து பச்சை வாசனை போகும் வரை நடனராக வதக்க வேண்டும்.
- அதன்பின் அதில், மிளகாய்த்தூள், கரமசாலாதூள் சேர்த்து, நன்றாக கலந்துவிட வேண்டும். பிறகு, அரை கப் அளவு தண்ணீர் சேர்த்து 5 நிமிடம் கொதிக்க வைக்க வேண்டும். அப்போது, எண்ணெய் தனியாக பிரிந்து தெரியும்.
- பிறகு, நாம் ஊறவைத்த சிக்கனை எடுத்து, நீர்வடித்து அதில் சேர்க்க வேண்டும்.
- பின்பு, தேவையான அளவு உப்பு சேர்த்து நன்றாக கிளறிவிட வேண்டும். இதைத் தொடர்ந்து 10 நிமிடங்கள் சிக்கனை வேக விட வேண்டும். தேவைப்பட்டால் தண்ணீர் சேர்த்து கொள்ளலாம்.
- சிக்கன் வெந்தவுடன் அதன் மேல் சிறிது மல்லித்தழை தூவி இறக்கினால், சுவையான கார சாரமான சிக்கன் தொக்கு தயார்.
சத்து: எலும்பு இல்லாத சிக்கனில் புரத சத்தும், கலோரியும் அதிகமாக காணப்படுகிறது.
இது போன்ற பல சுவாரஸ்யமான தகவல்களுக்கு நமது தினவாசல் Facebook Page யை "Like" செய்யுங்கள், "Follow" பண்ணுங்கள், “Share” பண்ணுங்கள்.