நடிகர் சிலம்பரசனின் பத்து தல படத்தின் இசை வெளியீட்டு விழா வருகிற மார்ச் 20-ஆம் தேதி நடைபெற உள்ளதாக படக்குழு சார்பில் அறிவிக்கப்பட்டுள்ளது.
‘வெந்து தணிந்தது காடு’ படத்தின் வெற்றிக்குப் பிறகு நடிகர் சிலம்பரசன் நடித்து வரும் திரைப்படம்தான், ‘பத்துதல’. கன்னட மொழியில் வெளிவந்து பெரியளவில் ஹிட் அடித்த ‘மஃப்டி’ என்ற திரைப்படத்தின் ரீமேக்தான், இந்த பத்து தல.
நெடுஞ்சாலை, ஜில்லுனு ஒரு காதல் போன்ற திரைப்படங்களை இயக்கிய கிருஷ்ணா இத்திரைப்படத்தை இயக்கியுள்ளார். இந்தப் படத்தில் ப்ரியா பவானி ஷங்கர், கெளதம் கார்த்திக், டீஜே, கெளதம் வாசுதேவ் மேனன் ஆகியோர் முக்கிய கதாபாத்திரத்தில் நடித்துள்ளனர்.
ஏ.ஆர். ரஹ்மான் இசையமைத்துள்ள இப்படமானது வருகிற மார்ச் மாதம் 30-ஆம் தேதி திரையரங்குகளில் ரிலீஸாக உள்ளதாக அறிவிக்கப்பட்டுள்ள நிலையில், சமீபத்தில் நடிகர் சிம்புவின் பிறந்தநாளை முன்னிட்டு பத்து தல திரைப்படத்தில் இடம்பெற்றுள்ள ‘நம்ம சத்தம்’ பாடல் வெளிவந்து ரசிகர்களை கவர்ந்து வருகிறது. மேலும், ‘நினைவிருக்கா’ என்ற பாடலும் வெளிவந்தது.
இந்நிலையில், பத்து தல படத்தின் இசை வெளியீட்டு விழா வருகிற மார்ச் 20-ஆம் தேதி நடைபெற உள்ளதாக படக்குழு அறிவித்துள்ளது. இதனால், சிலம்பரசனின் ரசிகர்கள் உற்சாகத்தில் உள்ளனர்.
ரத்த வாந்தி எடுத்த இளைஞரின் வயிற்றை ஆய்வு செய்த மருத்துவர்களுக்கு காத்திருந்த அதிர்ச்சி