முருங்கைக் கீரையில் தேங்காய் சேர்த்து செய்து தானே பார்த்திருப்பீர்கள். தேங்காய் சேர்ப்பது சிலருக்கு பிடிக்கும் சிலருக்கு பிடிக்காது, இங்கே வேர்க்கடலையைப் பயன் படுத்தி எப்படிச் செய்வது என்று பார்ப்போம்.
தேவையான பொருள்கள்:
- முருங்கை கீரை மூன்று கைப்பிடியளவு
- வேர்க்கடலை வறுத்தது 100 கிராம்
- காய்ந்த மிளாகாய் நான்கு
- ஐந்து பல் பூண்டு
- உளுத்தம் பருப்பு அரை தேக்கரண்டி
- கடலைப் பருப்பு அரைத் தேக்கரண்டி
- கடுகு கால் தேக்கரண்டி
- கருவேப்பில்லை சிறிதளவு
- எண்ணெய், உப்பு, தண்ணீர் தேவையான அளவு
செய்முறை:
- ஒரு கடாயில் எண்ணெய் காய்ந்ததும், கடுகு, உளுந்து, கடலைப் பருப்பு, கருவேப்பில்லை சேர்த்து பொன்னிறம் ஆகும் வரை வதக்க வேண்டும்.
- பிறகு சுத்தம் செய்து வைத்த முருங்கை கீரையை அதில் சேர்க்க வேண்டும். பிறகு சிறிது உப்பு சேர்த்து நன்கு கிளறி விட்டு, சிறிது தண்ணீர் சேர்த்து மூடவேண்டும், குறைந்த தீயில் ஐந்திலிருந்து பத்து நிமிடங்கள் வரை வேக வைக்க வேண்டும்.
- அதே சமயம் வேர்க்கடலை வறுத்தது, பூண்டு, காய்ந்த மிளாகாய் மூன்றையும் ஒன்றாகச் சேர்த்து அரைத்து வைத்துக் கொள்ள வேண்டும்.
- கீரை முக்கால் பாதியாக வெந்திருக்கும் நிலையில் அரைத்து வைத்ததை (வேர்க்கடலை,மிளகாய், பூண்டு) சேர்த்து சிறிது நேரம் கிளறி விட வேண்டும்.
- அவ்வளவு தான் மக்களே! சுவையான முருங்கைக் கீரை வேர்க்கடலைப் பொரியல் தயார்!
- சாதம், சாம்பார், முருங்கைக் கீரை வேர்க்கடலைப் பொரியல் இவை மூன்றும் சிறந்த சேர்க்கை!
சத்து: இரும்புச் சத்து நிறைந்த முருங்கைக் கீரையை வாரம் ஒரு முறையாவது உணவில் சேர்த்துக் கொண்டால் எலும்புகளுக்கு மிகவும் நல்லது.
இது போன்ற பல சுவாரஸ்யமான தகவல்களுக்கு நமது தினவாசல் Facebook Page யை "Like" செய்யுங்கள், "Follow" பண்ணுங்கள், “Share” பண்ணுங்கள்.