பொதுவாக இப்போதைய காலக்கட்டத்தில் பெண்களும் சரி ஆண்களும் சரி சரிவர சருமத்தை பாதுகாக்க நேரமின்மையால் ஓடிக்கொண்டிருக்கின்றனர். குறைந்தது வாரத்திற்கு இரண்டு அல்லது ஒருமுறையேனும் சருமத்திற்கு என சிறிது நேரம் ஒதுக்குவது அவசியம். அதற்கான சில எளிய வழிமுறைகளை இங்கே காணலாம்…
- தக்காளி சாற்றில் சிறிது ரவையைக் கலந்து முகம் மற்றும் கழுத்துப் பகுதியில் தேய்த்து சிறிது நேரம் ஊறவிட வேண்டும். இப்படி செய்வது முகத்தை மிருதுவாகவும் பளபளப்பாக மாற உதவும்.
- சிறிது கசகசா மற்றும் வெந்தயத்தை பாலில் ஊற வைத்து ஓரளவு கரகரப்பாக அரைத்து முகத்தில் நன்றாக தேய்க்க வேண்டும். சிறிது நேரம் கழித்து வெதுவெதுப்பான நீரில் கழுவினால் முகம் மென்மையாக மாறும்.
- வாழைப்பழத்தை மசித்து முகம் மற்றும் கழுத்தில் வாரம் ஒருமுறை தடவி வர முகப்பரு மற்றும் கரும்புள்ளிகள் போன்றவை மெல்ல மறையும். வேறு ஏதேனும் சரும பிரச்சனைகள் இருப்பின், வாழைப்பழத்துடன் சிறிது தேன் சேர்த்து பயன்படுத்தலாம்.
- சிறிது படிகாரத் தூளும், பாதாம் எண்ணெய் 1 தேக்கரண்டி சேர்த்து குழைத்து முகத்திலும் உடலிலும் தடவி மாதம் ஒருமுறை குளித்து வந்தால் மிருதுவான சருமத்தை மெல்லப் பெறலாம்.
- வாரம் ஒருமுறையேனும் கடுகு எண்ணையை உடலில் பூசி பிறகு, கடலை மாவு அல்லது நீங்கள் பயன்படுத்தும் சோப்பை பயன்படுத்தி வர சருமம் மென்மையாகும்.
- கேரட்டத்தை துருவி அவிக்க வேண்டும். பின்பு அதை வெளியே எடுத்து சருமத்தில் பூசி குளித்து வர வழுவழுப்பான மென்மையான சருமத்தைப் பெறலாம்.
- வெயிலில் சென்று வந்தவுடன் சருமத்தின் நிறமும் தோற்றமும் மாறுபடும். இதைத் தவிர்க்க வெளியே சென்று வந்ததும் தக்காளி அல்லது வெள்ளரிக்காய் போன்ற சாறை முகத்தில் தேய்த்து வர முகம் பொலிவு பெரும்.
- அதேபோல் நீங்கள் இருக்கும் அறையை சற்று ஈரப்பதம் நிலவுவதாக வைத்துக்கொள்ள வேண்டும். அப்படி செய்வது சருமம் சீக்கிரத்தில் உலர்ந்து விடாமல் இருக்க உதவும்.
அமெரிக்க அதிபர் ஜோ பைடன் வீட்டில் ரகசிய ஆவணங்களா? – எஃப்.பி.ஐ அதிகாரிகள் சோதனை!
இது போன்ற பல சுவாரஸ்யமான தகவல்களுக்கு நமது தினவாசல் Facebook Page யை "Like" செய்யுங்கள், "Follow" பண்ணுங்கள், “Share” பண்ணுங்கள்.
