நான்லாம் எவ்வளவு பிரபலம் தெரியுமா? – பீகல் நாயினம் ஒரு பார்வை!

பீகல்(Beagle) ஒரு சிறிய, ஆனால் தோற்றத்தில் மிகப்பெரியதான நரி வேட்டை நாயைப் போன்ற முயல் வேட்டை நாயினம். இந்த பீகல் ஒரு மோப்ப நாய். தேடுவதற்காகவும் , வேட்டையாடவும் பயன்படுத்தப்பட்ட இனப்பெருக்க நாய் ஆகும்.

மோப்ப சக்தியாலும் உள்ளுணர்வு சக்தியாலும் தேடிக்கண்டுபிடிக்கும் மோப்ப நாயாக, தடை செய்யப்பட்ட இறக்குமதி பொருட்கள், உணவுப்பொருட்கள் இவற்றைத் தேடும் பணியில் ஈடுபடுத்தப்படுகிறது . பீகல் ஒரு புத்திசாலியான நாய்.

மேலும், இது பல நற்பண்புகளைக் கொண்ட பிரபலமான நாய் இனமாகும், ஆனால் அதே நேரத்தில், அனுபவம் வாய்ந்த நாய் வளர்ப்பவர்களுக்கு மட்டுமே இது பொருத்தமானது. அதே நேரத்தில் பீகல் நம்பமுடியாத அளவிற்கு சுறுசுறுப்பான வாழ்க்கை முறைக்கும் பிரபலமானது.

தாயகம் இங்கிலாந்து:

இந்த இனம் உண்மையிலேயே பழையதாக கருதப்படுகிறது. பீகலின் முதல் மூதாதையர்கள் பண்டைய கிரேக்கத்தின் பிரதேசத்தில் வாழும் நாய்களுடன் தொடர்புடையவர்கள். படிப்படியாக, செல்லப்பிராணிகளாக இங்கிலாந்திற்கு குடிபெயர்ந்தது, எனவே இங்கிலாந்து அவர்களின் தாயகமாக கருதப்படுகிறது.

தோற்றம்:

பீகலை அடையாளம் காண்பது கடினம் அல்ல, இவை நீண்ட காதுகள், வலுவான தாடைகள் மற்றும் குறுகிய கால்கள் கொண்ட குறுகிய உயரமுள்ள நாய்கள். இவைகளின் நிறத்தைப் பொறுத்தவரை, இது எப்போதும் மூன்று அல்லது இரண்டு வண்ணங்களைக் கொண்டுள்ளது. அவை வெள்ளை, சிவப்பு, கருப்பு ஆகும்.
இதன் எடை 10-12 கிலோ இருக்கும். இது 10-15 வருடங்கள் உயிர் வாழும்.

பீகலின் மதிப்பு:

ஒரு பீகலின் விலை சுமார் 20 ஆயிரம் ஆகும். இந்த நாய்க்குட்டியை வாங்குவது கடினம் அல்ல. ஆனால், இவற்றை முறையாக வளர்க்க கற்று கொள்ளுங்கள்.

பீகல் மிகச் சிறந்த செல்லப்பிராணி:

இதன் நடுத்தர அளவு காரணமாக, அனைத்து வீட்டிலும் ஒரு சிறிய குடியிருப்பிலும் கூட நன்றாக வாழ முடியும். இந்த செல்லப்பிராணி மற்ற விலங்குகள் அல்லது குழந்தைகளுக்கு தீங்கு விளைவிக்காது. மாறாக – பிகிள்யை குழந்தைகளுக்கு மிகவும் பிடிக்கும். பீகில்க்கு நல்ல ஆரோக்கியம் உள்ளது, தடுப்பூசி போடப்பட்ட நாய் நடைமுறையில் நோய்வாய்ப்படாது.

உடற்பயிற்சி அனைவருக்கும் சமம்: 

பீகல் இனத்தை பொறுத்தவரை உடற்பயிற்சிகளைப் செய்வது நல்லது. தீவிரமான, ஆனால் குறுகிய கால பயிற்சிகளுக்கு ஆதரவாக முன்னுரிமை கொடுப்பது நல்லது, இது 15 நிமிடங்கள் இருந்தால் போதுமானது. இந்த விஷயத்தில், செல்லப்பிராணிக்கு இதுபோன்ற பயிற்சிகளைத் தேர்ந்தெடுப்பது அவசியம், அது அவைகளுக்கு மகிழ்ச்சியையும் ஆர்வத்தையும் தருகிறது.

தினசரி ஜாகிங் மற்றும் வாக்கிங் செய்வது இந்த வகை நாய்களுக்கு மிகவும் பிடிக்கும்.

பராமரிப்பு:

பீகல் நாய்க்குட்டிகள் ஒவ்வாமை, பல் மாற்றம் போன்ற நோய்களால் பாதிக்கப்படும். இவைகளை பொதுவாக தாக்கும் மற்றொரு நோய் கால்-கை வலிப்பு ஆகும். செல்லப்பிராணியின் துன்பத்தைத் தணிக்க, நோயின் வளர்ச்சியின் தொடக்கத்தை நீங்கள் சரியான நேரத்தில் கவனித்து அதனைப் பராமரிக்க வேண்டும்.

மேலும், உணவு கிடைத்தால் தொடர்ந்து சாப்பிடக்கூடியவை பீகல். இதனால், இவற்றின் உடல் எடை அதிகரிக்க கூடும். முடிந்தவரை, உணவை சரியான அளவில் குறிப்பிட்ட இடைவெளியில் கொடுத்து பழக்கப்படுத்துங்கள்.

இந்த வகை நாய்கள் அடிக்கடி தும்மும். இதற்கான காரணம், பீகல் அதன் வாய் மற்றும் மூக்கு வழியாக ஒரே நேரத்தில் காற்றை வலுக்கட்டாயமாக சுவாசிக்கிறது என்பதே. முடி பராமரிப்பு தொடர்பாக சிறப்பு பரிந்துரைகள் மற்றும் விதிகள் எதுவும் இல்லை.

வீக்கத்தை தவிர்ப்பதற்காக பீகலை முறையாக சரிபார்த்து காதுகளை சுத்தம் செய்ய வேண்டும் என்பது முக்கியம்

பீகல், எலிசபெத் காலத்திலிருந்து இலக்கியம், ஓவியம், திரைப்படம், தொலைக்காட்சி, காமிக் புத்தகங்கள் ஆகியவற்றில் இடம்பெற்றுள்ளது. ஸ்னூபி எனப்படும் “காமிக் ஸ்ட்ரிப் பீனட்சின்” கதாபாத்திரமான “ஸ்னூபி” உலகிலேயே பிரபலமான பீகல் நாய் என்பது குறிப்பிடத்தக்கது.

சிக்கிய 12 டன் மாம்பழம்; அழித்த உணவு பாதுகாப்புத்துறையினர்!