நடிகர் அஜித்குமாரின் துணிவு திரைப்படம் வருகிற பிப்ரவரி 8-ஆம் தேதி ஓடிடியில் வெளியாகவுள்ளதாக அறிவிக்கப்பட்டுள்ளது.
நடிகர் அஜித்குமார் நடிப்பில் கடந்த ஜனவரி 11-ஆம் தேதி வெளியான படம்தான், துணிவு. நேர்கொண்ட பார்வை, வலிமை என முந்தைய அஜித்குமாரின் முந்தைய படங்களை இயக்கிய எச்.வினோத் குமார் இப்படத்தை இயக்கியிருந்தார். இப்படத்திற்கு ஜிப்ரான் இசையமைத்திருந்தார்.
போனி கபூர் தயாரிப்பில் வெளிவந்த இப்படமானது, கலவையான விமர்சனங்களைப் பெற்றது. அதேநேரம், வசூலில் சில சாதனைகளையும் இப்படம் புரிந்தது. தொடர்ந்து, திரையரங்குகளில் துணிவு ஓடிக்கொண்டிருக்கிறது.
இந்நிலையில், வருகிற 8-ஆம் தேதி துணிவு படம் பிரபல ஓடிடி தளமான நெட்ஃபிளிக்ஸில் வெளியாகவுள்ளதாக அறிவிக்கப்பட்டுள்ளது. படம் வெளியாகி இன்னும் முழுவதுமாக ஒரு மாதம் கூட ஆகாத நிலையில், துணிவு திரைப்படத்தின் ஓடிடி ரிலீஸ் தேதி அஜித் ரசிகர்களிடையே அதிர்ச்சியை ஏற்படுத்தியுள்ளது.
இதனிடையே, நடிகர் அஜித்குமாரின் அடுத்த திரைப்படத்தை யார் இயக்கப் போகிறார் என்பது குறித்த பெரும் குழப்பம் நிலவி வருவது குறிப்பிடத்தக்கது.
தளபதி 67: டைட்டில் என்ன? சமூகவலைதளங்களில் டிரெண்ட் ஆகும் விஜய்!